એક મોટા વાસણમાં ઘઉંનો લોટ ચાળીને લેવાનો છે અને તેમાં રવો ઉમેરવાનો છે.

તેમાં મોણ માટેના તેલ અને ઘી ઉમેરવાના છે.

જીરું અને મરી પાવડર ઉમેરવાનો છે. બધું બરાબર હાથેથી મિક્સ કરવાનું છે.

બધુ બરાબર મિક્સ કરી લોટને મુઠીમાં બાંધી ને જોવાનો છે મુઠીયા પડતુ મોણ હોવું જરૂરી છે. પછી જરુરિયાત મુજબ થોડું પાણી ઉમેરી કઠણ લોટ બાંધવા નો છે અને આ લોટને એક કપડું ઢાંકીને 10 થી 15 મિનીટ માટે રાખી મુકવાનો છે.

ત્યારબાદ ફરી 1 મિનીટ માટે લોટને હાથેથી કુણવી તેના લુવા બનાવી થોડી જાડી ભાખરી વણી વચ્ચે થોડા કાપા કરવાના છે.

લોઢીને ગરમ કરી તેમાં 2 Tsp જેટલું ઘી મૂકી ભાખરીને બંને બાજુથી ધીમાં તાપે શેકી લેવાની છે.

શેકતી વખતે ભાખરીને ડટ્ટાથી થોડું દબાવતા જવાનું છે અને ફરતી બરાબર રીતે શેકી લેવાની છે જેથી આપણી ક્રિસ્પી બિસ્કીટ ભાખરી તૈયાર થઈ જશે.