સૌ પ્રથમ એક પરાત માં ઘઉંનો કકરો લોટ લઈ તેમાં તેલ નું મોણ નાખી બરોબર મિક્સ કરી લેવું.

પછી તેમાં જરૂર મુજબ હુંફાળુ પાણી ઉમેરી ભાખરી થી કઠણ લોટ બાંધવો. પછી તેમાં થી મુઠીયા વાળી લેવા. હવે તેને ગરમ તેલ માં મધ્યમ તાપે તળી લેવા.

હવે તેને અઘકચરા ભાંગી લેવા. ઠંડા પડે એટલે મિકસર જાર માં ઉમેરી ગ્રાઈન્ડ કરી લેવું.

હવે એક કડાઇ માં 1 ટેબલ સ્પૂન ઘી ગરમ કરી તેમાં કાજુ-બદામ અને કિસમીસ ને અલગ અલગ શેકી લઈ ચુરમા માં ઉમેરો. હવે ઘી ગરમ કરી તેમાં ગોળ ઉમેરો. ગોળ એકરસ થઈ જાય ત્યા સુધી ગરમ કરવું.

હવે ગોળ-ઘી ને ચુરમા માં ઉમેરવું. પછી તેમાં જાયફળ અને ઇલાયચી પાઉડર ઉમેરી બરોબર મિક્સ કરી.

પછી તેમાં થી એકસરખા લાડવા બનાવી ઉપર ખસખસ લગાવી ગણેશ જી ને ભોગ ધરાવવી.