પૌવાને પાણીથી બરાબર રીતે ધોઈ જાડીવાળા બાસ્કેટમાં પાણી નીતારવા માટે રાખી દેવાના છે. જેથી પૌવા એક બીજા ને ચોટશે નહીં અને એકદમ સરસ છુટા થઈ જશે.

એક કડાઈમાં તેલ ગરમ કરી તેમાં શીંગદાણા ઉમેરી તેને શેકી લેવાના છે

હવે શીંગદાણા કાઢી તે જ તેલમાં રાઈ, જીરુ અને હીંગ ઉમેરવાના છે

સમારેલા લીલા મરચા અને કરી પત્તા ઉમેરી બરાબર રીતે સાંતળવાના છે.

સમારેલા કાંદા ઉમેરી 1 થી 2 મિનીટ માટે સાંતળી તેમાં લાલ મરચું પાઉડર, ધાણાજીરું અને હળદર ઉમેરી બધુ બરાબર રીતે મિક્સ કરવાનું છે.

હવે તેમાં ખાંડ, કસૂરી મેથી અને સ્વાદ અનુસાર મીઠું ઉમેરવાનું છે.

ધોઈને તૈયાર કરેલા પૌવા, રોસ્ટ કરીને તૈયાર કરેલા શીંગદાણા અને લીંબુનો રસ ઉમેરવાના છે.

બધું બરાબર રીતે મિક્સ કરી લેવાનું છે જેથી કાંદા પૌવા તૈયાર થઈ જશે.