એક મિક્સી જારમાં સાબુદાણા ક્રશ કરી પાઉડર બનાવી લેવો એવી જ રીતે સાઉ ને પણ ક્રશ કરી પાઉડર બનાવી લેવો. ત્યારબાદ એક તપેલીમાં સાઉ અને સાબુદાણાનો પાઉડર લઈ દહીં મિક્સ કરી જરૂર મુજબ પાણી નાખી બહુ પાતળું કે બહુ જાડું નહીં એવું બેટર તૈયાર કરી લેવું. 15 થી 20 મિનિટ ઢાંકી રાખો.

એક મિક્સિ જારમાં નારીયલના કટકા, મરચા, જીરુ અને મીઠું એડ કરી ક્રશ કરી કોકોનટ ચટણી તૈયાર કરી લેવી.

એક કડાઈમાં તેલ મૂકી ગરમ થાય એટલે જીરું અને કરી પત્તા નો વઘાર કરી તૈયાર કરેલ કોકોનટ ચટણીમાં એડ કરી બરાબર મિક્સ કરી લેવી.

હવે એ જ કડાઈમાં તેલ મૂકી જીરું, કરી પત્તા, લીલા મરચાનો વઘાર કરી હળદર એડ કરવી અને મેશ કરેલા બટાકા એડ કરી બરાબર મિક્સ કરી બે મિનિટ બાદ ગેસ બંધ કરી કોથમીર નાખો.

નોન સ્ટિક તવો ગરમ કરવા મુકો. ગરમ થાય એટલે પાણીનો છંટકારો નાખી એક કડછી બેટર લઈ તેમાં ફેલાવી દો.નીચેનું પડ ક્રિસ્પી, ગોલ્ડન કલરનું થાય એટલે ઉપર બનાવેલ ઢોસા નો મસાલો શાક થોડું મૂકી દો.

હવે ઢોસાને ફોલ્ડ કરી સર્વિંગ પ્લેટમાં કાઢી કોકોનટ ચટણી સાથે સર્વ કરો. તો તૈયાર છે સ્વાદિષ્ટ ફરાળી ઢોસો.