સૌ પ્રથમ બધી સામગ્રી રેડી કરી દો. ત્યાર બાદ ચણા ની દાળ ને સ્વચ્છ પાણી માં 2-3 વખત ધોઈ ને એમાં ગરમ પાણી અને બેકિંગ સોડા ઉમેરી મિક્સ કરી ને ઢાંકી ને 4 થી 5 કલાક પલાળી રાખો અને હવે તેમાંથી બધું પાણી નીતારી લઈ તેને કોટન કાપડ પર પાથરી પંખા નીચે 10-15 મિનિટ માટે ડ્રાય કરી લો.

હવે બટાકા ની છાલ ઉતારી પાણી માં રાખો જેથી એ કાળા ના પડે. હવે આ બટાકા ને કટ કરી વેફર પાડવાના મશીન થી ઉભી બટાકા ની ચીપ મૂકી એની કતરણ પાડી લો ને પાણી મા ઉમેરતા જાવ અને પાણી માં થોડું મીઠું નાખો જેથી બટાકા ની કતરણ કાળી ના પડે. આ કતરણ ને બે થી ત્રણ વખત ચોખ્ખા પાણી માં ધોઈ ને કોટન કપડા પર પાથરી 10 થી 15 મિનિટ માટે કોરી કરી લો.

ત્યાર બાદ એક નોન સ્ટિક પેન માં મીડીયમ ગેસ ની આંચ પર તેલ ગરમ કરી તેમાં બનાવેલ બટાકા ની કાતરી ને થોડી થોડી તેલ મા ઉમેરી ચપ્પુ કે સ્ટીક થી બધી કાતરી હલાવી છુટ્ટી કરી લેવી. હવે આ બટાકા ની કાતરી ને ઝારા થી થોડું ઉપર નીચે કરતા રહી તેની ઉપરથી મીઠું વાળું પાણી 2 ચમચી ઉમેરી દો અને કાતરી ને ક્રિસ્પી તળી લો..(પરંતુ બટાકા ની કાતરી નો કલર ગોલ્ડન નાં રહેવો જોઈએ તેને સફેદ કલર ની તળી દો.) બધી બટાકા ની કાતરી ને કાણા વાળા વાસણ માં કાઢી લો જેથી તેલ બધું નીતરી જાય.

હવે આજ તેલ માં ચણા ની દાળ ઉમેરી ચમચી થી હલાવતા જઈને એકદમ ક્રિસ્પી તળી લો. ને બટાકા ની કાતરી માં ઉમેરી લો.અને કાજુ, દ્રાક્ષ પણ તળી લો.

હવે ચેવડા નો વઘાર કરવા માટે એક પેન માં તેલ ગરમ કરી એમાં સફેદ તલ, લીલા મરચા, મીઠા લીમડા ના પાન અને હળદર પાઉડર ઉમેરી તેમાં થોડું પાણી ઉમેરી ને એક ઉભરો આવે એટલે એમાં ખાંડ ઉમેરી મિક્સ કરી એક તાર ની ચાસણી તૈયાર થાય ત્યાં સુધી કૂક કરી દો.

હવે આપણો બરોડા નો સ્પેશ્યલ લીલો ચેવડો તૈયાર છે તેને સર્વ કરવા માટે આ ચેવડા ને એક ડીશ માં લઇ તેમાં તળેલા કાજુ અને તળેલા દ્રાક્ષ થી ગાર્નિશ કરો.