કોબીજ, ગાજર, લસણ, લીલા મરચાં, ડુંગળી, કોથમીર અને ડાળખા બધુ જ ઝીણું સમારી લો. એક કડાઈમાં તેલ મૂકી તેમાં આદુ, લસણ અને લીલા મરચાં ઉમેરી ૧ મિનીટ માટે સાંતળી લો,

ત્યારબાદ કોબીજ, ડુંગળી, ગાજર, કોથમીરનાં ડાળખાં અને જરૂર મુજબ મીઠું ઉમેરીને ફરીથી ૨ મિનીટ માટે સાંતળો. હવે, તેમાં પાણી, મરી પાઉડર અને લીંબુનો રસ નાખી ઉકળવા દો. ઉકળે પછી કોર્ન ફ્લોરમાં ૨ ચમચી પાણી નાખી મિક્સ કરી તેમાં ઉમેરી હલાવી લો.

૫ મિનીટ ઉકાળ્યા બાદ તેમાં કોથમીર મિક્સ કરી ગેસ બંધ કરી દો. તો લેમન કોરીએન્ડર સૂપ તૈયાર છે. તેને ગરમ જ સર્વ કરો.