ગાજરને છોલી, ધોઈ લો અને ખમણી લો. દૂધ ને ગરમ કરવા મૂકો. હવે કડાઈમાં ઘી મૂકી ગાજરને ધીમા તાપે શેકી લો.

હવે દૂધ નાંખી ધીમા તાપે ઉકાળો. સાથે બીજા કામ કે રસોઈ કરી શકાય અને વચ્ચે વચ્ચે હલાવતા રહો. પછી મલાઈ નાંખી હલાવો. મિલ્ક પાઉડર પણ નાંખી તરત જ હલાવો જેથી લમ્પ્સ ન પડે.

જ્યારે હલવો ઘટ્ટ થાય ત્યારે ખાંડ નાખી હલાવો. ખાંડનું પાણી થઈ પાછું ઠીલું થઈ જશે તો સતત હલાવતા રહો. હવે વઘારિયા માં ઘી મૂકી કાજુ-બદામ-કિસમિસ તળીને ઘી સાથે જ હલવા માં નાંખી શેકી લો.

જ્યારે ઘટ્ટ થઈ જાય એટલે ગેસ બંધ કરી ઈલાયચી પાઉડર નાખી બરાબર મિક્સ કરી લો. પછી સર્વિંગ બાઉલમાં કાઢી લો.

આ હલવો જમવામાં મિઠાઈ તરીકે કે સવારે નાસ્તામાં કે રાતે જમ્યા પછી ડેઝર્ટ તરીકે સર્વ કરી શકાય.