સૌ પ્રથમ ગાજર ને ધોઈ કોરા કરી જીની છીણી થી છીણી લો.

હવે એક જાડા તળિયાવાળી કઢાઈ અથવા નોનસ્ટિક પેનમાં મધ્યમ આંચ પર ઘી ગરમ કરો. તેમાં છીણેલા ગાજર નાખો અને તેને ૩-૪ મિનિટ માટે સતત ચમચાથી હલાવીને સાંતળો. ત્યાર બાદ આમાં દૂધ ઉમેરી બરાબર મિક્સ કરી ફાસ્ટ ગેસ ની આંચ પર દૂધ બળી જાય ત્યાં સુધી કૂક કરી લો. ત્યાર બાદ આમાં ખાંડ ઉમેરી બરાબર મિક્સ કરી ખાંડ નું પાણી બળે ત્યાં સુધી કૂક કરી લો.

હવે ગેસ ની આંચ ધીમી કરી આમાં દૂધ ની મલાઈ અને કેસરવાળુ દૂધ ઉમેરી બરાબર મિક્સ કરી લો. ત્યારબાદ આમાં કીસમીસ અને ડેસિકેટેડ કોકોનટ પાઉડર ઉમેરી બરાબર મિક્સ કરી લો.

હવે આમાં ઈલાયચી પાઉડર, બદામ ની કતરણ, કાજુ ની કતરણ અને પીસ્તા ની કતરણ ઉમેરી બરાબર મિક્સ કરી લો. ત્યારબાદ રોઝ વૉટર ઉમેરી બરાબર મિક્સ કરી લો. હવે છેલ્લે તેમાં 1 ટેબલ સ્પૂન ઘી ઉમેરી બરાબર મિક્સ કરી ગેસ ની આંચ બંધ કરી લો.

હવે કોકોનટ બિસ્કીટ ને મિક્સર જારમાં લઈ ક્રશ કરી પાઉડર બનાવી તેમાં દૂધ ઉમેરી બરાબર મિક્સ કરી લો. ત્યાર બાદ નોન ડેરી વ્હિપ્પડ ક્રીમને સ્ટીફ પિક આવે ત્યાં સુધી ઇલેક્ટ્રિક બીટર થી બીટ કરી લો. હવે સરવિંગ ગ્લાસ માં પહેલા બિસ્કીટ નું લેયર સ્પ્રેડ કરી તેની પર વ્હિપડ ક્રીમ નું લેયર સ્પ્રેડ કરી ઉપર ગાજર ના હલવા નું લેયર સ્પ્રેડ કરી ઉપર વ્હિપડ ક્રીમ નું નાનું સર્કલ કરી તેમાં વચ્ચે બદામ અને પિસ્તાની કતરણ ઉમેરી ગાર્નિશ કરી લો.

હવે આપણું સ્વાદિસ્ટ અને ટેસ્ટી ગાજર હલવા કોકોનટ ડીલાઈટ તૈયાર છે સર્વ કરવા માટે.