એક બાઉલમાં મેંદો, મીઠું તેમજ સોડા ઉમેરીને મિક્સ કરી લો.

આ મિશ્રણમાં ધીમે-ધીમે પાણી ઉમેરીને મીડીયમ બેટર તૈયાર કરી લો.

એક નોનસ્ટિક પેન ગરમ કરી તેમાં ૧ ચમચો બેટર ઉમેરીને પાતળો ગોળાકાર ફેલાવી દો અને ફકત એક તરફ શેકી લો. થોડીવારમાં આપમેળે શીટ પેનથી અલગ થવા લાગશે.

એક થાળીમાં મેંદો છાંટીને તેના પર શીટની શેકેલી બાજુ નીચે રહે એમ મૂકો. બાદમાં બીજી શીટ બનાવીને તેના પર મૂકો. આ રીતે બેટરમાંથી બધી શીટ તૈયાર કરી લો. (૧/૪ કપ જેટલું બેટર રોલ વાળવા માટે બાકી રાખવું.)

તો સ્પ્રિંગ રોલ શીટ તૈયાર છે. તેને ઝીપબેગમાં મૂકી ૪ થી ૫ દિવસ માટે ફ્રીઝમાં સ્ટોર કરી શકો છો.