ચોખાને પહેલા સારી રીતે ધોઈ ૨૦ મિનીટ સુધી પાણીમાં પલાળીને રાખો. તપેલીમાં પાણી ઊકળવા મૂકો. પાણી ઊકળવા લાગે પછી તેમાં લીંબુનો રસ, મીઠું અને પલાળેલા ચોખા ઉમેરીને મિક્સ કરી લો.

એક કડાઈમાં તેલ અને બટર ગરમ કરીને સમારેલી ડુંગળી ઉમેરીને ૨ મિનિટ માટે સાંતળો. પછી તેમાં મરચા, કેપ્સિકમ, ટામેટા અને 1/2 ચમચી મીઠું ઉમેરી, ટામેટા નરમ થાય ત્યાં સુધી સાંતળો.

હવે તેમાં પાવ ભાજી મસાલો, લાલ મરચું પાઉડર, ધાણાજીરૂ પાઉડર, મીઠું અને સેઝવાન સોસ ઉમેરી સારી રીતે મિક્સ કરી મસાલામાંથી તેલ છૂટું પડે ત્યાંસુધી ચડવા દો.

ત્યારબાદ 1/2 કપ પાણી, તેમાં બાફેલા વટાણા, બટાકા ઉમેરીને હલાવી લો. તેની ઉપર ઢાંકણ ઢાંકીને ૫ મિનીટ ચડવા દો.

હવે તેમાં રાંધેલા ભાત, પાઉંભાજી મસાલો, કાપેલા લીલા મરચા, લીંબુ નો રસ અને બટર ઉમેરીને હળવા હાથે બધુ મિક્સ કરી લો. ૫ મિનીટ પછી ગેસ બંધ કરી દો.

તો મુંબઈ સ્ટાઈલ તવા પુલાવ પીરસવા માટે તૈયાર છે.