ચણા ને 8-10 કલાક પલાળવા. ચોખા ધોઈ ને પલાળી દેવા. ચણા ને બાફી લેવા. ડુંગળી લસણ ની પેસ્ટ બનાવી લેવી, ટામેટા ની પ્યૂરી કરી લેવી. સૂકા મસાલા ભેગા કરી ને રાખવા.

તેલ ગરમ મૂકી ડુંગળી લસણ ની પેસ્ટ સાંતળો. સંતળાય જાય એટલે ભેગા કરેલા સૂકા મસાલા નાખી અને થોડી વાર સાંતળવું. પછી ટામેટા પ્યૂરી નાખી ને ધીમા તાપે 5-7 મિનિટ ચડવા દેવું, જ્યાં સુધી તેલ ફૂટી ના જાય.

ગ્રેવી કૂક થાય ત્યાં સુધી ચાવલ માટે ઘી મૂકી, જીરું, તજ લવિંગ નાખી, પાણી નિતારી ને ચોખા વધારવા અને હલકા હાથે 1-2 મિનિટ સાંતળવા. ત્યાર બાદ 3 ગણું પાણી, કાજુ અને મીઠું નાખી ઉકળવા દેવું, ઊકળે એટલે ધીમો ગેસ કરી ઢાંકી ને ચડવા દેવા.

હવે આપણી ગ્રેવી પણ રેડી થઈ ગયી હશે, તેમાં બાફેલા ચણા નાખો, મીઠું નાખી ને સરખું મિક્સ કરો, જરૂર લાગે તો પાણી ઉમેરવું. ધીમા તાપે 5-7 મિનિટ કુક થવા દેવું.