એક કથરોટ માં બન્ને લોટ લઈ તેમાં 2 ચપટી અધકચરું કરેલું જીરું, સ્વાદ મુજબ મીઠું, મુઠ્ઠી પડતું તેલ નું મોણ, ચપટી મરી પાવડર નાખી થોડું થોડું પાણી રેડતા જઇ લોટ બાંધી સહેજ તેલ લગાવી 15 મિનિટ માટે ઢાંકી નર મૂકી રાખવો. ત્યાર બાદ આ લોટ માંથી લુઆ કરી મોટી અને પતળી પુરી બનાવી અંદર કાંટા થી કાના પાડવા જેથી કરીને પુરી ફુલે નહિ. હવે આ પુરી ને તળી લેવી.

એક કુકર માં બધી દાળ મિક્સ કરી 3 વાર ધોઈ 15 મિનિટ ઢાંકી ને મૂકી રાખવી હવે જરૂર મુજબ પાણી અને મીઠું નાખી બાફી લેવી. હવે એક કડાઈ માં 3 ચમચી તેલ, જીરું, હિંગ, મીઠા લીમડાના પાન, આદુ મરચા લસણ ની પેસ્ટ, ઝીણા સમારેલા ટામેટા ડુંગળી નાખી સાંતળવું. હવે આ મિશ્રણ માં બધા સૂકા મસાલા નાખી મિક્સ કરવા. તેલ છૂટું પડે એટલે એમાં બાફેલી દાલ અને જરૂર મુજબ પાણી નાખી મિક્સ કરી દાલ ઉકાળવી. હવે દાલ ઉકળી જાય પછી એમાં સ્વાદ મુજબ લીંબુ રસ નાખી મિક્સ કરો.