#लॉकडाऊन पाककृतीमला दिल्ली मटार आवडत नाही,सासवड मटार चवीला अतिशय सुरेख लागतो. श्रवण,गणपती,दसरा,दिवाळी आणि डिसेंम्बर मध्येच हा मिळतो.मिळाला की मी दहा किलो आणून, सोलून ,हवाबंद डब्यात भरून फ्रीजरमध्ये ठेवते.वर्षभर सहज टिकतो.मग हवी तेव्हहा भाजी करता येते.याला भाजलेलं वाटप लावून भाजी थोडी थपथपीत केली की,भातासोबतही खाऊ शकतो.या दिवसात पुरवठ्याची म्हणून उत्तम पाककृती.घ्या तर साहित्य जमवायला.

#रेसिपीबुक #week5पावसाळी हवेत गरमागरम जेवणाची चव काय वर्णावी?माझ्यासारख्या गरम गरम जेवायला आवडणाऱ्या आणि एरवी थंड जेवण घेणाऱ्यानाही पावसाळ्यात गरम जेवणाची ऊब हवीहवीशी वाटतेच.या काळात मासे मिळत नसल्याने खायच्या वारी सुक बाजार किंवा अंडी,कोंबडी यावर भर दिला जातो.त्यातून या थंड हवेत उष्ण पदार्थ खायचे म्हणजे आतूनही ऊब राहते आणि शरीराला ऊर्जा मिळते.म्हणून माझी आई खास पावसाळा आणि थंडीत आवर्जून हे गरम मसाल्याचे कालवण, ताजा मसाला वाटून ,तोही पाट्यावर वाटून करत असे. कवटं म्हणजे अंडी तर घरचीच असत.त्यामुळे ताजी असत.चटकन होणारे हे कालवण उकळू लागले की त्या पावसाळी हवेत असा खमंग दरवळ पसरत असे की,कधी एकदा जेवायला बसतो असं व्हायचं.अंडी उकडून ग्रेव्हीत सोडणे ही पद्धत उत्तरेकडे तशीच दक्षिणेकडेही दिसते,पण अंडी फोडून डायरेक्ट उकळत्या कलवणाच्या कढात सोडणं आणि शिजवणं ही मात्र अस्सल कोकणी पद्धत. सवय नसेल किंवा अंडी ताजी नसतील तर एक एक अंडे फोडून वाटीत घेऊन मग कढात सोडायचं नाहीतर डायरेक्ट कलवणातच अंडं फोडून सोडायचं,जसं हाफ फ्रायसाठी तव्यावर फोडतो तसं.उकळत्या कढात सोडल्यामुळे अंडं लगेच शिजू लागून सेट होतं आणि मसाला आतपर्यंत मुरतो.त्यामुळे अंड्यालाही झकास चव लागते.दुसरं म्हणजे अंडं फोडताना थो s डीशी काळजी घेतली पाहिजे कारण पिवळा बलक अखंड राहिला पाहिजे,म्हणजे तो छान गोलकारातच सेट होतो,नाहीतर त्याच्या चिंध्या चिंध्या होतात.म्हणजे चव काही बिघडत नाही पण दिसायला बरं नाही दिसत,इतकंच.मीही कधी कधी पाट्यावर वाटून हे कालवण करते.तेव्हा आईच्या आठवणीनी ते जास्तच चवदार लागतं.चला तर, घ्या तर साहित्य जमवायला.

#सीफुडसुरमई म्हटलं की मासे खाणाऱ्या खवय्यांच्या तोंडाला पाणी सुटते. हाताळायला थोडा नाजूक असा हा मासा खाताना मात्र खूप चविष्ट... गरमागरम सुरमई चा तळलेला तुकडा मस्त लिंबू पिळून जिभेवर सोडून द्यावा...अहाहा, रसललना तृप्त झालीच म्हणून समजा.😄

अळूवड्या केल्या की अळवाच्या देठीचे भरीत केले जाते,किंवा भाजीचा अळू आणला असेल तर त्यात भर घातली जाते.पण खूप लोक फक्त पाने घेऊन जातात,देठ भाजीवाल्यांकडे सोडून जातात आणि असे देठ भाजीवाले फेकून देतात.पण मी थोडे पैसे देऊन असे देठही विकत आणते.कारण यात पोटॅशियम, आयर्न, झिंक,कॉपर, मॅग्नेशियम असे पानात असलेले विशेष तर असतातच पण भरपूर चोथा असतो,त्यामुळे तंदुरुस्त राहायला मदत होते.माझी आईही यांची भाजी करीत असे.वडीच्या पानांचे हे देठ चांगले भरगच्च असतात.बोटाइतक्या जाडीचे हे देठ सोलून, बारीक कापून घ्यायचे.आता त्यात कोणतेही कडधान्य, मक्याचे दाणे, कोलंबी, करंदी,सोडे घालून यांची मस्त चवदार भाजी होते.पण कालभैरवाचा सप्ताह सुरू असल्याने नॉनव्हेज करायचे नसल्याने, मी मक्याचे दाणे घालून केली आहे.गरमागरम भातासोबत चवीला तर भन्नाटच लागते.सोबत फक्त पापड आणि लोणचे असले तर पुरे,नसले तरी काही बिघडत नाही.ही भाजी दोन प्रकारने करता येते.कच्चे वाटण लावून पहिला प्रकार आणि भाजलेले गरम मसाल्याचे वाटण लावून दुसरा प्रकार.मला कच्च्या वाटणाची आवडते म्हणून मी आज तशीच केलीय.आता वड्या केल्यावर देठांची भाजी नक्की करून पाहा.पाककृती मी देते तुम्हला.

आज बर्याच दिवसांनी घरी सुके बोंबील आणि बटाट्याचे कालवण करण्याचा योग आला.आजची संघ्याकाळ मस्त झणझणीत तरीदार कालवण व तांदळाची भाकरी.

ओल्या बोंबील ची करी खुप निगुतीने करावी लागते,भात आणि ही करी म्हणजे मासे खाऊ ची मेजवानी#सीफूड

#KS1कोकण म्हटले की डोळ्यासमोर येतात ते मासे...माश्यांचे कालवण,भात व भाकरी!!! हिच कोकणातील खास थाळी घेऊन आली आहे.

#लॉकडाऊनकडू रस पोटात जावा म्हणून देवाने कारल्याची निर्मिती केली,पण सगळ्या सुगरणी मात्र त्याचा कडूप अ काढून टाकायच्या प्रयत्नात असतात. कितीही तुपात तळलं, साखरेत घोळलं तरी कारलं कडू ते कडूच राहतं.पण या पद्धतीने केलेली कारल्याची भाजी अजिबात कडू लागत नाही. तिच्या रूपावर जाऊ नका.ही ब्लॅक ब्युटी ताटात असली की जेवणाऱ्या मंडळींचे चेहरे जसे काही खुलतात की बस्स!पहाच तर करून.थोडा वेळ काढून करा मात्र.घ्या साहित्य जमवायला.

#पडवळ_आणि_सोडे_भाजी#लोकडाऊनभरलेल्या पडवळाच्या पाककृतीत पडवळाची भाजीत कोलंबी किंवा सोडे,सुकट,सुका जवला घालूनही ही भाजी छान होते,असा उल्लेख होता.तेव्हा बऱ्याच जणांनी या भाजीची पाककृती मागितली होती.ज्यांना फक्त नॉनव्हेज आवडते किंवा त्याच्याशिवाय घास उतरत नाही किंवा पडवळ,भोपळा(लाल आणि दुधी दोन्ही),कोहळा आणि वांगी या भाज्या,त्यांनी बिनभोभाट खाण्यासाठी त्यात हे पदार्थ घातले की भाजीचा चट्टामट्टा झालाच म्हणून समजा.माझी आई हीच युक्ती करीत असे आणि आम्हाला भाज्या खाऊ घालत असे.पण खरंच कोलंबीचा कोणताही अवतार या भाज्यांचा भाव वाढवतो.

अस्थिमत्स्य वर्गाच्या सायनोडोंटिडी कुलातील एक मासा. भारतात तो बोंबील या नावाने ओळखतात. बोंबील माशाचे शास्त्रीय नाव हार्पोडॉन नेहेरियस आहे. ते सामान्यपणे उथळ समुद्रात राहतात. भारतापासून चीनपर्यंतच्या नदीमुखांत किंवा किनाऱ्याजवळील समुद्रांत ते आढळतात. मुंबई किनाऱ्याजवळील समुद्रात व बंगालच्या उपसागरात ते मुबलक प्रमाणात दिसून येतात. मुंबईलगत ते मोठ्या प्रमाणात सापडत असल्यामुळे त्यांना ‘बॉम्बे डक’ हे नाव पडले आहे. तर चला वेळ न वाया घालवता आपण बोंबील चिली कसे बनवायचे ते पाहू.

#फोटोग्राफी #कढीसोलकढी किंवा कोकम कढी ही आमसुलं किंवा कोकम पासून बनविण्यात येणारी कोकणातील प्रसिद्ध अशी आहे. पारंपारिक असल्यामुळे अर्थातच आई कडून शिकली. अत्यंत पौष्टिक आणि पित्तनाशक अशी ही आहे.घरात मासे, चिकन किंवा मटणाचा बेत असेल तर हमखास सोल कढी करण्यात येते. सोलकढी म्हणजे, ताकासाठी असलेला पर्याय असं म्हटलं तरिही वावगं ठरणार नाही. यासाठी कोकम आणि खोबऱ्याच दूध या पदार्थांची गरज असते. खरं तर सोलकढी तुम्ही नुसतीच पिऊ शकता किंवा भातावरही खाऊ शकता.उन्हाळ्यातही सोलकढी अत्यंत फायदेशीर ठरते. यामध्ये वापरण्यात येणारं कोकम आणि नारळाच्या दूधामध्ये निसर्गतः थंड गुणधर्म असतात. त्यामुळे उन्हाळ्यामध्ये शरीराला थंडावा देण्यासाठी सोलकढी उत्तम ठरते.ही झटपट व्हावी म्हणून तूम्ही नारळाच्या दुधात कोकम सिरप घालून छान सोलकढी बनवतातच‌. पण अशी पारंपारिक आणि पित्तनाशक अशी ही सोलकढी नक्की ट्राय करा!

#रेसिपीबुक#week2गावाकडच्या आठवणीपालघर जिल्ह्यातील माहीम हे माझे गाव. आम्ही मूळचे पाचकळशी वाडवळ, शेती हा पिढीजात व्यवसाय. एकदा पाऊस सुरू झाला म्हणजे गावाकडे दिवसभर शेतीच्या कामाची लगबग असते. अशा दिवसात जेवण बनवण्यासाठी फार वेळ देता येत नाही. परंतु अशा परिस्थितीतही तेव्हाच्या गृहिणींनी आपल्या कल्पकतेने ही चमचमीत, कमी वेळात होणारी आणि पौष्टिक रेसिपी शोधली. कांदा-बोंबील व शिसोणी (चिंचेला आमच्या वाडवळी भाषेत शिस म्हणतात). पिढी दर पिढी बनविली जाणारी ही पारंपारिक रेसिपी आहे. यात मोजक्या आणि नेमक्या स्थानिक जिन्नसांचा वापर होतो. मागच्या वर्षी पिकविलेल्या तांदळाचा भात, परिसरात मुबलक प्रमाणात मिळणारी चिंच आणि भाजीसाठी सुके बोंबील.स्थानिक समुद्रात मुबलक प्रमाणात आढळणारे बोंबील (बॉम्बे डक) हे आमचे विशेष जिव्हाळ्याचे मासे. पावसाळ्यात जेव्हा मासेमारी बंद असते अशा दिवसांसाठी, उन्हाळ्यात जास्तीचे बोंबील पकडून ते सुकवून ठेवले जातात. समुद्रकिनाऱ्यावर कडक ऊन आणि खारे वारे यांच्यावर सुकलेले बोंबील अतिशय चविष्ट लागतात.चला तर कांदा-बोंबील आणि शिसोणी (चिंच कढी) वर ताव मारूया!

#GA4#week4फिश करी कोणाला नाही आवडत... अगदी लहानांपासून मोठ्यांन पर्यन्त... लग्न करून चूरी कुटुंबात आले तेव्हा बोंबील कालवण मध्ये लिंबूची पाने टाकताना मी पहिल्यांदा पाहिले. माझ्या सासूबाई नेहमी बोलायच्या अगं खाऊन तर बग... खातच राहशिल. पण हे मात्र खरे निघाले... काय अफलातून लागते.. लिंबाच्या पानांचा वास आणि वाफाळत्या भाताबरोबर तर खूपच भारी लागते.... पालघर जिल्हात चिंचणी, तारापूर या गावात ओल्या बोंबील कालवण ची ही पद्धत आहे हे लग्नानंतर समजले. सासू नेहमी बोलायची ही आपल्या नानांची रेसिपी.. नाना म्हणजे माझे आज्जेसासरे. आज त्यांची रेसिपी तुमच्या समोर मांडत आहे.

#KS1कोवळ्या फणसाची भाजी ,कैरीची चटणी तांदळाची भाकरी माझं एक आवडतं काॅम्बिनेशन...😋😋आंबा हा कोकणचा राजा आहे आणि फणस आहे त्या राजाचा सरदार...😄😄हापुसच्या सगळ्या झाडांच्या फळांची चव एक सारखीच असते पण फणसाची चव मात्र झाडागणीक बदलते. प्रत्येक फणसाला त्याच्या गर्‍याच्या रंग, रुप, चवीनुसार नाव दिली गेली आहेत.फणसाच्या या मोसमात मग घराघरात त्याची भाजी, त्यापासून बनणाऱ्या पदार्थांची रेलचेल नसली तर नवल. कापा आणि बरका अशा दोन्ही प्रकारच्या फणसापासून बनणारे पदार्थही भिन्नभिन्न पण तेवढेच चवीचे आहेत...😋😋आंब्या-काजूच्या मोहराचा मदमस्त वास रानावनाला वेडावून टाकत असतो, तेव्हाच खरंतर कोकणात घराघरांच्या परसदारातील फणसाच्या झाडांवर कुय‍ऱ्यांची बाळलेणी लटकलेली असतात. त्यामुळे आमरस आणि काजूच्या उसळीच्याही आधी घराघरात बेत आखला जातो तो, कच्च्या फणसाच्या भाजीचा. कोकणी गृहिणीसाठी एरव्ही फणस म्हणजे कल्पतरूच! कारण फणसापासून नानाविध पदार्थ तयार केले जातात. अगदी तळलेल्या कच्च्या ग‍ऱ्यांपासून ते फणसपोळीपर्यंत. शिवाय बरक्या फणसाच्या रसात केले जाणारे गोड वडे आणि सांदणं असतातच जोडीला. त्यामुळे झाडाला बुडापासून शेंड्यापर्यंत लगडलेले फणस निरखण्यात पारखण्यात आणि राखण करण्यात तिचे दिवसचे दिवस सरतात.वास्तविक फणसाची भाजी म्हणजे कटकटीचं काम. भाजी चिरताना हाताला, विळीला लागलेला चिक साफ करणं ही डोकेदुखीच (त्यासाठीच फणस चिरण्याआधी हाताला-‌विळीला गोडं तेल लावतात) असते. पण एवढ्या खस्ता खाऊन बनवलेली भाजी जेव्हा जिभेवर अवतरते तेव्हा मात्र केलेल्या श्रमांची फिट्टंफाट होते....😄😄😋😋चला तर पाहूयात रेसिपी.

#रेसिपीबुक #week7#सात्विकरेसिपीजकमीत कमी साहित्यात,आपल्या विशिष्ट चवीने अतिशय चवदार बनणारी भाजी, म्हणजे फरसबी आणि मोडची मटकीची युती.जेव्हा कांदा लसूण खायचं नसतो तेव्हा फक्त मिरची किंवा मिरची+आलं ठेचा वापरून करता येणारी, आणि ताटात इतर कितीही टक्कर देणारे पदार्थ असले तरीही आपले वैशिष्ट्य जपून बाजी मारणारी.एकदा जिभेला चव लागली की,पुन्हापुन्हा खावीशी वाटणारी.कधी अचानक पाहुणे आलर तरी साहित्य असलं की दहा मिनिटात होणारी भाजी आहे ही. शिवाय तुमचं हमखास कौतुक करणारीमटकी वातुळ असल्याने मी आलं वापरते,पण नसलंच हाताशी तरी नुसत्या मिरच्या वाटून घातल्या तरी चालतात,चव अबाधित राहते. नुसतीच बशीत घालून खायलाही झकास लागते.या भाजीसोबत भाजणीचे वडे तर भन्नाटच लागत,पण वरण भात,पोळी, पुरी,फुलकेही चविष्ट जेवल्याचं समाधान देतात.थोडी मिरची कमी वापरून केली तर परदेशी पाहुणेही ही मटकी,मिटक्या मारत संपवतात.चला तर,घ्या साहित्य जमवायला

#रेसिपीबुकदाढ्याच्या खाऱ्याचं सुकं हा पदार्थ मी सासरी आल्यावर पहिल्यांदा खाल्ला.माझ्या साबांचं माहेर डहाणू.एकदा तिथून येताना त्या सुके मासे घेऊन आल्या,त्यात होतं दाढ्याचं खारं.दाढा म्हणजे मोठ्ठा रावस.जवळजवळ चर साडेचार फुटाचा.दुर्मिळ मासा,जो या विरार ते डहाणू आणि पुढे दमणपर्यँतच मिळू शकतो. याला मीठ लावून उन्हात सुकवले जाते.यात अजून एक प्रकार असतो,तो म्हणजे ओलं खारं. ओलं खारं म्हणजे अगदी एक दिवस सुकलेलं खारं. तेही खूप चविष लागतं.पण हा मासा दुर्मिळ असल्याने सर्वसाधारण पणे बाजारात विकत मिळत नाही त्यामुळे सहजपणे मिळणेही कठीण असते.भेट देण्यासाठीच हा मत्स्यविशेष वापरला जातो बहुधा. त्यामुळे प्रेमाची भेट म्हणून मिळालेल्या या माशाची चव आगळीच असते.मला कधी आमची चिंबईकर मावशी ही भेट देते तर कधी माझा भाचा शिरीष भोसले याला माझी आवड समजल्यावर, आपल्या मित्राला सांगून, मिळवून देतो.पण आज मी तुम्हाला सांगणार आहे ती सुकलेल्या दाढ्याच्या सुक्याची अतिचविष्ट पाककृती. गोडं वरण भात किंवा आंबट वरण भात किंवा तांदळाची भाकरीआणि हे सुकं असलं की मेजवानीच.पण करायचं मात्र लोखंडी कधी किंवा तव्यात,आणि मंद आचेवरच,ही माझी खास अनुभविक टिप्पणी.असं काही खरपूस होतं ना हे सुकं.बस्स रे बस्स!लिहिता लिहिता आठवणीनेही पाणी सुटलं तोंडात. देते लगेचच पाककृती.तुम्हाला कधी हा मत्स्यविशेष मिळाला तर जरूर करून पहा.यासाठी लागणारं साहित्य म्हणजे मुख्यतः दाढ्याचं खारंच,बाकी तर घरातलेच जिन्नस असतात.मिळालं तुम्हाला तर मलाही भेट द्या, मित्रांनो.घ्या साहित्य जमवायला.

मासे खाणाऱ्यांमध्ये ‘कोळंबी’ हा प्रकार फारच प्रसिद्ध आहे. कोळंबी हा असा मासा आहे जो खाताना त्याचे काटे काढावे लागत नाही. त्यामुळे ती पटपट आणि मटकन खाता येते. अगदी नव्याने मासे खायला सुरुवात करत असाल तरी देखील पहिला मासा जो तुम्ही खाऊ पाहायला हवा तो म्हणजे कोळंबी. कोळंबीचा वापर करुन अगदी स्टार्टसपासून सगळे पदार्थ बनवले जातात. कोळंबी वेगवेगळ्या पद्धतीने खाल्ली जाते असे म्हणताना तिच्या अनेक रेसिपी फारच प्रसिद्ध आहेत.त्यातीलच एक नाराळाच्या दुधातील हा चमचमीत कोळंबी भात फार रूचकर‌ लागतो‌.यासोबत सोलकढी आणि एखादं सॅलड असेल तर बेत एकदम फक्कड होतो...😋😋चला तर मग पाहूयात रेसिपी.

#ATW3#TheChefStoryओली कोलंबी आपण नेहमीच बनवतो मात्र पावसाळ्यात मासे किवा कोळंबी खायला मिळत नाही अशा वेळेस सुकी कोलंबी खाल्ली जाते. चला तर मग बनवूयात सोडे रस्सा.

#पश्चिम #गोवागोवा म्हटलं की समुद्रकिनारा आणि भरपूर मासे खाणारे खवय्ये गोव्याला गेलो आणि फिश नाही खाल्लं तर काही तरी अर्धवट राहिल्या सारखं वाटतं मासे आणि गोव्याचे नातं खूप जुनं आहे. आजची टिपिकल गोवन फिश करी बनवण्याचा प्रयत्न केला आहे.

मुंबई-कोकणातील अनेक घरांमध्ये आठवड्यातील ३ दिवस निदान तोंडी लावण्यापुरते तरी मासे लागतातच. पावसाळ्यात मासेमारी बंद असते तेव्हा ताजे मासे मिळत नाहीत. अशा वेळी सुके मासे आणि मुख्यत्वे जवळा हा तारणहार ठरतो :Dकोणत्याही भाजीत टाका, त्यात एकरूप होऊन स्वतःची चव सुद्धा अबाधित ठेवतो. अशा या जवळ्याची अंड्यासोबत मैत्री करत भुर्जी बनवली आहे.लता धानापुने यांची रेसिपी #Cooksnap करत, थोडा माझा ट्विस्ट देत "जवळा भुर्जी" बनवली आहे.

#सीफूडबांगडा करी खूप वेगवेगळ्या पद्धतीने केल्या जातात येथे आज अगदी लवकर होणारी आणि चविष्ट अशी पद्धत वापरून बांगडा करी केली आहे वर घातलेल्या कांद्याने खूप छान चव आली आली आहे

#सीफूडहिरवा मसाला म्हणजे नैसगिर्क चवीचं भांडार.ताजी कोलंबी हिरव्या मसाल्यात तिची चव खुलवते.हिरव्या मिरच्या,आले ,लसूण आणि कोथिंबीर इतकाच हिरवा मसाला एकदम चवदार असतो,पण जोडीला कांदापात घालून उत्तम चवबदल होतो.शंका वाटत असली तर ही पाककृती करूनच पहा.एकदा केलीत तर पुन्हा पुन्हा कराल.

आमच्याकडे सुके बोंबील म्हटलं की ,सर्वांचेच आवडते.कधी मासे मिळाले नाही की ,सुके मासे घरी असले की मदतीला धावून येतात.तांदळाच्या भाकरी सोबत कैरी बोंबील बटाटा भारी लागतो...😋😋पाहूयात रेसिपी.

#KS1 महाराष्ट्राचे Kitchen स्टार चॅलेंज - थीम : कोकण साठी मी हि दुसरी पाककृती पोस्ट करत आहे. :)कुळीथ पिठी. सिंधुदुर्गात याला "पिठलं" असं न संबोधता "पिठी" असं संबोधलं जातं. :)कोकणांतली लोकं खाण्याच्या बाबतीत अजिबात बडेजाव न करता जे पेज-भाकरी-पिठी असेल त्यात पोट भरून तृप्त असतात.त्यातलाच एक घराघरात सहज उपलब्ध असलेला, सहज बनणारा पदार्थ म्हणजे - कुळथाची पिठी.कुळीथ (अथवा हुलगा) ही भारतात उगवणारी एक आयुर्वेदिक औषधी वनस्पती व एक प्रकारचे कडधान्य आहे.पीक काढणीला वेळ झाल्यास कुळीथ(हुलगा) टरफल फुटून बाहेर सांडतो आणि शेतात विखुरतो, परिणामी नुकसान होते. त्यामुळे हे कडधान्य जवळजवळ नामशेष झाले आहे.कुळीथ या कडधान्यात भरपूर लोह असते. कुळीथामुळे वात व कफ कमी होतो. कुळीथ मुतखड्यावर औषधाप्रमाणे काम करतात. मेद वाढला असता, सूज आली असता, जंत झाले असता हितकर असतात.

वेर्ली ही मच्छी मुळातच चविष्ट आणि त्याचं मालवणी पद्धतीने केलेला कालवणं म्हणजे दोन घास भात नक्कीच जास्त जाणार. तर चविष्ट असे वेर्लीचे कालवण आपण आता बघूया.

#lockdownrecipeह्या lockdown चा वेळी सगळ्या भाज्या बाजारात मिळतात अस नाही. कडधान्य मात्र घरात जनरली उपलब्ध असतेच. त्यातून आज केलेली सोपी रेसिपी म्हणजे चवळीची उसळ . भाकरी , पोळी , भात बरोबर छान लागते.

#आईही माझया आईची पाककृती,जवळ आला की न विसरता कांदापात आणत असे ती.मी केलेली ही पाककृती तिला फारच आवडत असे,सोबत तांदळाची भाकरी असली की ती अगदी खुश असे.कांदापतील कांद्याची उल हा शब्द तिच्याकडून इतका कानावर ठसलाय की जवला किंवा करंदी कांदापात घालून करायचं कधी लक्षातच येत नाही,चांगला जवला मिळाला की,'' कांद्याची 'उल' घेतली पाहिजे हं'', हेच मनात येत.कोलंबीची वेगवेगळ्या आकारनुसार चव बदलते तशीच कांद्याच्या वेगवेगळ्या रुपानीही चवबद्ल होतो,जास्त वर्णन करण्यापेक्षा कृतीच सांगते.घ्या साहित्य जमवायला.

#सीफूडमाझ्या माहेरी समुद्र किनारा जवळ असल्याने नेहमी ताजे मासे मिळत. त्यात घोळ मासा असला की आमची चंगळ. खूप महाग पण बहुगुणी आणि सुपर टेस्टी असल्यामुळे आजही घोळ असली की मी खुश😄😋😋 आमच्या एडवण च्या कोळी बांधवांकडील लग्नाची हळद तर या फिशकरी शिवाय अपूर्णच...तर असा हा चविष्ट आणि बहुगुणी मासा. याचा ऑपरेशनमधील टाक्यांसाठी आणि इतर ही वैद्यकीय उपयोग आहेत.

#GA4 #week5#Fishमासे म्हटलं की कोणाला आवडत नाही.आणि त्याचं पापलेट चा हिरवा रस्सा असेल तर मग क्या बात है. चला तर मग बनवूया पापलेट चा हिरवा रस्सा.

शेवग्याच्या शेंगा यांची चव जितकी चांगली तेवढीच या शरीराला खूप पौष्टिक असतात. शेवग्याच्या शेंगांच्या झाडाच्या पानांची भाजी, फुलांची भाजी-भजी- थालीपीठ हे सर्वच अतिशय चविष्ट आहे. पण शेंगा बाजारात सध्या मुबलक प्रमाणात आहेत आणि म्हणूनच (रोजच्या जेवणात वेगवेगळ्या कालवणांच्या चवीची गरज असते) आज आपण बघूया शेंगा बटाटा हा झटपट होणारा आणि चविष्ट असा रस्सा.