प्रथम एका पॅनमधे १ टेस्पून तेल टाकावे व त्यात अंडी फोडून टाकावीत.

अंड्यांच्या वरून १/२ टिस्पून मिरपुड व मिठ टाकावे आणि हलक्या हाताने ते एकत्र करून घ्यावे व त्याचे छोटे छोटे तुकडे करून घ्यावेत.

हे तुकडे बाजूला काढून घ्यावेत. सर्व भाज्या चिरून घ्याव्यात, कांदा, लसून व आलं बारिक चिरून घ्यावं.

एका कढईमधे उरलेले तेल टाकून त्यात कांदा परतावा, आलं, लसून टाकावं. हलकसं परतून घ्यावं.

तसेच चिरलेली ढोबळी मिरची, गाजर, वटाणे टाकून परतून घ्यावेत. (ह्या भाज्या टाकणे ऐच्छिक आहे)

त्यामधे उरलेली मिरपुड व मिठ टाकावे.

थोडे परतून घेऊन त्यात पांढरा भात टाकावा. व मंद आचेवर परतून घेऊन अंडी मिक्स करावीत.

झाकण ठेवून १ -२ मि वाफ येऊ द्यावी.

कांद्याची पात टाकून व्यवस्थित एकत्र करून गरम गरम सर्व्ह करावा.