चणाडाळ स्वच्छ धुवून डब्यात चणाडाळीत पाणी घालून कुकरमध्ये ७ शिट्ट्या करून शिजवून घ्या. कुकर थंड झाला की गाळणीने चणाडाळ गाळून घ्या. चणाडाळ घेऊन ती स्मॅशरने स्मॅश करून घ्या. नंतर त्यात गूळ, साखर घाला.

एकजीव करून ५-७ मिनिटे शिजवून मग त्यात वेलचीपूड, सुंठपुड घाला. परत एकजीव करा, हे झाले सारण तयार.

गव्हाच्या पिठात मीठ,हळद व गरम तूप घालून हाताने चोळून घ्या. नंतर पाणी घालून घट्ट मळा. त्या मळलेल्या पिठावर तूप लावून झाकण ठेवून १५-२० मिनिटे बाजूला ठेवा.

पीठ मळून त्याचे गोळे करा. पातळ पोळी लाटा त्यावर आणि चोकोनी तुकडे करून त्यात सारण भरून बाजूने कडेने नागमोडी आकार द्या

गॅसवर भांड्यात पाणी गरम करा त्यावर चाळणीला तूप लावून चाळण ठेवा. त्यावर तयार दिंडे ठेवा. १५ मिनिटे झाकण ठेवून वाफवून घ्या. बाहेर काढून गरमागरम दिंडे वरून तूप अगदी सढळ हाताने घालून सर्व्ह करा.