बाकरवडी चे सारण आपल्याजवळ तयार आहे. पराठ्याचे पीठ बनवण्यासाठी लागणारी सामग्री जवळ घ्यावी.

एका भांड्यात कणीक आणि मैदा एकत्र करून त्यात मीठ. जिरे पावडर. आणि तेल टाकून चांगले मिक्स करून घ्यावे व त्यानंतर थोडे थोडे पाणी टाकून कडक मळून घ्यावे व ते दहा ते पंधरा मिनिट झाकून बाजूला ठेवावे.

नंतर पुन्हा एकदा ते पीठ चांगले मळून घेऊन त्याचे मोठे गोळे तयार करावे. एक गोळा घेऊन त्याची पोळी लाटावी.त्या पोळीला तेल लावून,वरून मैदा किंवा कणीक भुरभुरावी. व त्यानंतर फोटोत दाखवल्याप्रमाणे फोल्ड करून घ्यावी. त्यानंतर त्याला गोल गोल गुंडाळून गोळा तयार करून घ्यावा. अशाप्रकारे सर्व गोळे तयार करून घ्यावे.

आता तयार केलेला एक गोळा घेऊन छोटी पुरी लाटून घ्यावी.त्यामध्ये बाकरवडी चे दीड ते दोन चमचा सारण भरावे.नंतर त्याला मोदका सारखे बंद करून गोळा बनवावा. व हलक्या हाताने जाडसर पराठा लाटून घ्यावा. दुसरीकडे गॅस सुरू करून त्यावर तवा ठेवून तेल लावून घ्यावे व त्यावर तयार केलेला पराठा शेकण्यासाठी टाकावा. व पुन्हा वरून तेल सोडावे.

एक ते दीड मिनिटाने पराठा परतवून घ्यावा व खमंग भाजून घ्यावा. अशाप्रकारे सर्व पराठे तयार करून घ्यावे व गरमागरम शेंगदाणा, दह्याची चटणी,किंवा सॉस किंवा आवडेल त्या प्रमाणे, वरून तुपाचा गोळा घेऊन,खाण्यास द्यावे. अशाप्रकारे वेगळ्या पद्धतीने तयार केलेले खुसखुशीत पराठे चवीला खूपच छान लागतात.