प्रथम पालक स्वच्छ धुऊन घेणे. नंतर पालक चिरून घेणे. त्याच बरोबर कांदा, टोमॅटो चिरून घेणे. मिरची मध्ये चिरून त्याचे उभे काप करून घेणे.आणि तूरडाळ 2-3 वेळा स्वच्छ धून घेणे.

नंतर छोट्या कुकर मध्ये धुतलेली तूरडाळ घालावी. त्यात चिरलेला कांदा, टोमॅटो, मिरची, लसुण घालून त्यात शिजण्यासाठी पाणी घालावे. त्यात थोडी हळद घालावी. नंतर त्यात चिरलेला पालक घालावा. व कूकरचे झाकण लावून ती डाळ पालक शिजवून घेणे.

10-15 मिनिटे नंतर कुकर वाफ गेल्या वर झाकण काढून घेणे. शिजलेली डाळ डावाने किंवा रवीने कुकर मध्येच हटून घेणे.एकजीव करून घेणे.

आता गॅस वर कढई किंवा पातेले तापण्यास ठेवावे. त्यात तेल घालावे. तेल गरम झाले कि त्यात मोहरी,2-3 लसूण पाकळ्या ठेचून घालणे. नंतर त्यात कढीपत्ता, लाल सुकी मिरची, हळद, हिंग, चवीनुसार लाल तिखट घालून ती खमंग फोडणी करून घेणे.

नंतर त्या फोडणी मध्ये हटलेली पालक डाळ घालावी व आवश्यकतेनुसार त्यात पाणी घालून एकत्र करावी.व त्यात चवीनुसार मीठ व तिखट घालून घेणे.5 - 7 मिनिटे छान ती भाजी शिजवून घेणे.

अशाप्रकारे मस्त डाळ पालक म्हणजेच पालक पप्पू भाजी तयार झाली. वरून त्याला लसुण,सुकी लाल मिरची घालून फोडणी देणे.गरम गरम पोळी किंवा फुलके सोबत सर्व्ह करावी. खूप टेस्टी अशी ही भाजी लागते.