पावभाजी साठी लागणारे सर्व साहित्य तयार ठेवावे.

त्यानंतर सर्व भाज्या स्वच्छ धुऊन बारीक चिरून (एकदम बारीक हि नको) घ्याव्यात. चिरलेल्या भाज्या कुकर मध्ये एक ते दोन शिट्या देऊन उकडून घ्याव्यात. भाज्या एकदम मऊ शिजल्या पाहिजे.

आता या सर्व भाज्या मॅशरच्या साह्याने मॅश करून घ्याव्यात. टोमॅटो उकडून त्याची प्युरी करून घ्यावी.

एक पसरट पॅन घेऊन, त्यामध्ये दोन टेबलस्पून तेल व आठ ते दहा टेबलस्पून बटर घाला. त्यामध्ये आता बारीक चिरलेला कांदा घालून परतून घ्या.कांदा चांगला ब्राऊन होऊ द्या.(म्हणजे त्याचा कच्चा वास जाईपर्यंत परतून घ्यावे.) आता आलं-लसूण पेस्ट घालून एक मिनिट होऊ द्या.

आता तिखट, मीठ, धने पावडर, जीरा पावडर, पावभाजी मसाला घालून एक मिनिट होऊ द्या. नंतर त्यामध्ये टोमॅटो प्युरी घाला व चांगले मिक्स करून घ्या.

शिजवून घेतलेल्या सर्व भाज्या यात घाला. व झाकण ठेवून एक मिनिट होऊ द्या. आता यामध्ये आवश्यकतेनुसार पाणी घाला. (जास्त पातळ करू नका) पाच मिनिटे भाजी शिजवून घ्या.

आता वरून बटर व कोथिंबीर घालून एक मिनिट होऊ द्या. त्यानंतर गॅस बंद करा. तयार आहे आपली पावभाजीची भाजी तयार.