पान कोबी जाडसर चिरून घेऊन मिक्सर मध्ये थोडी जाडसर बारीक करून घ्यावी. अथवा किसून घेतली तरी चालेल. पिळुन त्यातील पाणी काढून घ्यावे.

आता त्यात बेसन, हळद, तिखट, धणे पावडर, मसाला, मीठ आणि कोथिंबीर व चमचभर तेल टाकून चांगले मिक्स करावे. त्यानंतर हाताला तेल लावून त्याचे गोळे करावे व त्यांना वाफवून घ्यावे.

वाफवलेल्या गोळ्यांना थंड झाल्यावर हाताने कुस्करून घ्यावे. आता झुणका करण्यासाठी, गॅस सुरू करून त्यावर एका पॅनमध्ये तेल टाकावे. जीरे मोहरी टाकून ते तडतडल्यावर त्यात कांदा टाकावा

कांदा सोनेरी झाल्यावर, फक्त कांद्यापुरते, तिखट, हळद व मीठ टाकावे. एकत्र करून त्यात कुस्करलेले पान कोबी चे गोळे टाकावे. चांगले मिक्स करून, 2 मिनिटे परतून मोकळे करून घ्यावे.

लगेचच बारीक चिरलेली कोथिंबीर टाकावी. गरमागरम झुणका भाकरी सोबत किंवा पोळी सोबत खाण्यास तयार आहे.