कुकर मध्ये सहा बटाटे तीन शिट्टी देऊन शिजवून घ्यावे. बटाटा साल काढून हाताने कुस्करून घ्या. लसूण, आल,मिरची यांची पेस्ट करून घ्यावी.

पॅनमध्ये तेल गरम करून त्यात मोहरी, जीरे, कढीपत्ता, मिरचीची पेस्ट घालून परतून घ्यावे. हळद,हिंग घालून बटाटा घालून एकञ करून घ्यावे. चवीनुसार मीठ घालावे. वरून कोथिंबीर घालून मिक्स करावे. वरून हवा असल्यास लिंबाचा रस घालू शकता.

भाजी पुर्ण थंड होऊ द्या.भाजीचे गोलाकार वडे करून घ्यावे.

एक कप बेसन घेऊन त्यात हळद, मीठ, सोडा घालून थोड थोड पाणी घालून बॅटर तयार करुन घ्यावे.

कढईत तेल गरम करून त्यात पिठात वडा घोळवून तेलात सोडावे.. मंद आचेवर वडा तळून टिशू पेपर वर काढून घ्या. गरम गरम वडा लसणाची चटणी, तळलेली हिरवी मिरची, पावाबरोबर खायला घ्या.