प्रथम तांदूळ धुऊन, किंचित पाणी ठेवून दहा ते पंधरा मिनिट बाजूला ठेवावे. तोपर्यंत कोबी स्वच्छ करून त्याचे तुरे काढून घ्यावे. हिरवे वाटाणे पाण्यात साखर आणि मीठ टाकून वाफवून घ्यावे.

उकडलेला बटाटा सोलून त्याचे मोठे तुकडे करावे. कांदा टोमॅटो चिरून घ्यावे. हिरवी मिरची चिरुन घ्यावे. खडा मसाला काढून ठेवावा.

आता गॅसवर एका कढईत तेल टाकावे. तेल गरम झाल्यावर त्यात शहाजिरे, काळी मिरी, तेजपान, कलमी, लवंग, वेलची टाकावी. किंचीत परतून घेतल्यावर,त्यात कांदा आणि हिरवी मिरची टाकावी. त्याचप्रमाणे आले लसूण पेस्ट टाकावी. परतून घ्यावे. आता त्यात तिखट आणि हळद टाकावी व मिक्स करून घ्यावे.

आता त्यात उकडलेल्या बटाट्याच्या फोडी टाकाव्या आणि मिक्स करावे. एक ते दोन मिनीट परतून घेतल्यावर त्यात टोमॅटो टाकावा.

टोमॅटो टाकून परतून घेतल्यावर त्यात, भिजलेला तांदूळ वाटीने मोजून घ्यावा आणि टाकावा.जेवढ्या वाट्या भिजलेला तांदूळ राहील, त्याच्या दुप्पट पाणी टाकावयाचे आहे. म्हणून कोरडा तांदूळ मोजण्या ऐवजी भिजवलेला तांदूळ मोजावा. परतून घ्यावा. तांदूळ परतून घेईपर्यंत त्यात टाकावयाचे पाणी गरम करून घ्यावे. आणि गरम पाणी त्यात टाकावे.

पाणी टाकल्यानंतर त्यात कोबीचे तुरे टाकावे. चवीनुसार मीठ आणि मसाला टाकावा. मिक्स करून घ्यावे आणि अगदी मंद आचेवर झाकण ठेवून दहा ते बारा मिनिट शिजवून घ्यावे.

साधारणता दहा मिनिटांनी झाकण उघडून बघावे. तांदूळ यासोबतच कोबी ही शिजलेला दिसेल. तांदूळ शिजल्याची खात्री केल्यानंतर त्यात पूर्वीच वाफवून घेतलेले हिरवे वाटाणे टाकावे आणि मिक्स करून घ्यावे. तसेच चिरलेली कोथिंबीर टाकावी.

लग्नात ज्याप्रमाणे मसालेभात करतात त्याच चवीचा मसालेभात तयार आहे... सर्व्ह करताना मसालेभातवर कोथंबीर, खोबऱ्याचा कीस आणि तुपाचा गोळा टाकून सर्व्ह करावे. चविष्ट मसाले भात खाताना कढी आवश्यकच..😋 तेव्हा मसाले भात करताना सोबत कढी करण्याचे विसरू नये. 😀