तांदूळ मूग डाळ स्वच्छ धुवून 10 मिनिटे गरम पाणी घालून भिजत घाला. कांदा टोमॅटो लसूण आलं मिरची बीन्स गाजर चिरून घ्या.कुकरमध्ये तूप घालून तमालपत्र कांदा घालून परतावे

आलं लसूण मिरची बटाटा टोमॅटो हळद थोडे मीठ घालून एकत्र करावे 2 मिनिटे झाकण ठेवून शिजवावे आता गाजर बीन्स मटार घालून एकत्र करावे 2 मिनिटे झाकण ठेवून शिजवावे(मी फ्रोजन मटार दाणे वापरले आहेत तुम्ही ताजे मटार दाणे वापरले असतील तर टोमॅटो बरोबर घाला) डाळ तांदूळ तिखट मीठ घालून एकत्र करावे.

3 कप गरम पाणी घालून कुकर झाकण लावून आणि मोठ्या गॅस वर 1 शिट्टी करून गॅस बारीक करावा आणि 2 शिट्टी काढून गॅस बंद करावा.(मला खूप मऊ खिचडी आवडते म्हणून मी अजून पाणी घालून शिजवून घेतले आहे)तयार खिचडीत 1 कप गरम पाणी घालून बारीक गॅसवर शिजवून घ्यावे.

लसूण मिरची आलं कोथिंबीर कढडीपत्ता मिक्सरमध्ये बारीक वाटून घ्यावे.ताकामध्ये बेसन पीठ मीठ साखर घालून एकत्र करावे.कढईमध्ये तूप तेल गरम करून त्यात जीरे मेथी दाणे हिंग हळद मिक्सरमधील वाटण घालून परतावे त्यात ताकाचे मिश्रण घालावे.

आवश्यकतेनुसार पाणी घालून एकत्र करावे उकळी आली की गॅस बंद करावा.लसूण पाकळ्या आणि कोथिंबीर बारीक चिरून घ्या.पापड भाजून/तळून घ्या.पापड तळून/भाजून घ्या.

तेल गरम करून त्यात मोहरी हिंग हळद लसूण कडीपत्ता पाने मिरची मीठ घालून एकत्र करावे आणि गॅस बंद करावा.कांदा टोमॅटो काकडी चिरुन घ्या. आता तयार खिचडी वाढून त्यावर लसूण तेल कोथिंबीर चिमूटभर लाल तिखट काळा मसाला /गोडा मसाला/गरम मसाला घालून कांदा टोमॅटो काकडी कढी पापड लोणचे बरोबर सर्व्ह करा.