प्रथम साबुदाणा घेऊन त्यात भरपूर पाणी टाकून स्वच्छ धुऊन घ्या. साबुदाण्यात पुन्हा भरपूर पाणी टाकून अर्धा तास भिजत ठेवा. म्हणजे त्याचे स्टार्च निघून जाते व खिचडी चिकट होत नाही.नंतर सर्व पाणी काढून ते भिजेल इतपतच पाणी टाका. रात्री भिजवून सकाळपर्यंत साबुदाणे फुगून येतात मोत्या सारखे दिसतात.

मिक्सर मध्ये मिरच्या, भरपुर कोथिंबीर, कढीपत्ता टाकून त्याचे वाटण तयार करा.

एका कढईत साजूक तूप टाका ते गरम झाल्यावर जीरे टाका चांगले फुलल्यावर त्यात मिक्सर मधील वाटण टाका. दोन मिनिटे फक्त परतून घ्या.

नंतर भिजवलेला साबुदाणा, शेंगदाण्याचे कूट,मीठ, लिंबू रस, साखर टाकून मिश्रण चांगले परतून घ्या. साधारणपणे पाच ते सात मिनिटे लागतात. अतिशय सुंदर निसर्गाचा हिरवा रंग येतो. (खिचडीवर झाकण कधीही ठेवू नका कारण झाकण ठेवल्यास त्यात स्टार्च तयार होतो व खिचडी चिकट होते.)

अशा रीतीने हिरवीगार झणझणीत चटपटीत अशी साबुदाणा खिचडी तयार होते. हिरव्या गार रंगामुळे दिसते ही सुंदर व लागते ही टेस्टी... यात भरपूर प्रमाणात प्रोटिन्स मिळतात. उपवासाला कोथिंबीर चालत नसेल तर फक्त मिरची टाकूनही केल्यास टेस्टी लागते. चला... टेस्ट करायला..