प्रथम फरसबी स्वच्छ धून घेणे. ती बारीक चिरून घेणे. कांदा बारीक चिरून घेणे. नंतर हिरवी मिरची, लसूण, कोथिंबीर, ओले खोबरे हे मिक्सर मधून बारीक वाटून घेणे.

आता गॅस वर कढई ठेवून त्यात तेल घालावे. तेल गरम झाले कि त्या मध्ये मोहरी, जीरे, हिंग, कढीपत्ता याची फोडणी करून घेणे. आता त्या मध्ये कांदा, हळदघालून 2 मिनिटे परतून घेणे. आता त्या मध्ये फरसबी घालावी. भाजी हलवून 3 मिनिट झाकण ठेवून वाफ आणावी.

आता या मध्ये वाटून घेतलेले ओले खोबरे, मिरची घालावी. भाजी छान हलवून घेणे. वरून चावीनुसार मीठ घालावे. झाकण ठेवून 5 मिनिट भाजी शिजवून घेणे.मस्त टेस्टी भाजी तयार झाली. गॅस बंद करावा.

मस्त गरम भाजी फुलके, पोळी सोबत सर्व्ह करावी. खूप टेस्टी भाजी होते. झटपट होते त्या मुळे टिफिनसाठी मस्त भाजी आहे.