केक ला लागणारे सर्व साहित्य एकत्र ठेवावे. Tuti fruity ला थोडासा मैदा किंवा कणीक लावून घ्यावी.

आता केक साठी बॅटर बनवूया. त्यासाठी एका भांड्यात दही घेऊन, त्यात साखर टाकावी आणि चांगले फेटून घ्यावे. त्यानंतर त्यात दूध टाकावे.

तेल टाकावे आणि चांगले मिक्स करून घ्यावे. आता आपल्याला त्यात कोरडे पदार्थ टाकावयाचे आहे. त्यासाठी एक चाळणी घेऊन त्यात रवा टाकावा.

तसेच मैदा आणि कस्टर्ड पावडर टाकून चाळून घ्यावे. आणि चांगले मिक्स करून घ्यावे. अशाप्रकारे केकचे बॅटर तयार आहे. ते आता पंधरा ते वीस मिनिटे झाकून ठेवावे.

हा केक आपल्याला कुकर मध्ये करावयाचा आहे. त्यामुळे गॅसवर प्री -हीट करण्यासाठी कुकर ठेवावा. त्यात बुडाला थोडेसे मीठ टाकावे. त्यावर स्टॅन्ड ठेवावे आणि झाकण लावून पाच ते सात मिनिटे मध्यम आचेवर प्रि-हीट करून घ्यावा. तसेच ज्या भांड्यात आपल्याला केक करावयाचा आहे, त्याला आतून तेल लावून घ्यावे आणि त्यावर मैदा किंवा कणीक भुरभुरावी.

पंधरा ते वीस मिनिटांनी केकचे बॅटर मध्ये, बेकिंग सोडा आणि बेकिंग पावडर टाकून कट अंड फॉल्ड पद्धतीने हलक्या हाताने मिक्स करून घ्यावे. त्यात कणिक लावलेला टूटीफ्रूटी टाकाव्या.

पुन्हा एकदा चांगले मिक्स करून घेऊन तयार बॅटर भांड्यात ओतावे.. वरून थोडे टूटीफ्रूटी टाकावे.
भांडे थोडेसे टॅप करून घ्यावे. आता हे भांडे फ्री-हीट केलेल्या कुकरमध्ये ठेवावे.

कुकरला रिंग आणि शिट्टी नसलेले झाकण लावून तीस ते पण 35 मिनिटे मध्यम आचेवर बेक करावे. त्यानंतर झाकण उघडून सुरी किंवा टूथ पिक, केक मध्ये टाकून पहावे. ती कोरडी निघाली याचा अर्थ केक शिजलेला असेल. आता गॅस बंद करून केकचे भांडे बाहेर काढून थंड करावे. थंड झाल्यावर सुरीने त्याच्या कडा मोकळ्या करून प्लेटमध्ये उबडे करावे.

छान स्पंजी केक तयार झालेला आहे.

आता आपल्याला आवडेल त्या प्रमाणे सजावट celebration साठी केक तयार आहे..