#KS6
#जत्रा स्पेशल
"कांद्याची पात घालून हाटून पिठल"
पुणे जिल्ह्यातील छोटंसं माझं गाव, नागापूर त्याच नाव.तिथे थापलिंग (खंडोबा)देवस्थान आहे. पौष पौर्णिमेला (जानेवारी महिन्यात) खंडोबा ची यात्रा असते.डिसेंबर महिन्यात च नवीन कॅलेंडर लवकर आणण्याची घाई होते कारण यात्रा किती ता.आहे हे बघण्याची उत्सुकता असते.तेव्हापासूनच आम्हाला वेध लागते.फोनाफोनी चालू होते, तुला सुट्टी आहे का मला नाही पण मी न बाॅसला न सांगताच दांडी मारणार.शाळा,काॅलेजात जाणारी मुले देखील दांड्या मारून मजा करायला मिळणार म्हणून खुश असतात.बघता,बघता यात्रा दोन दिवसांवर येऊन ठेपली की आमची बॅगा भरणे चालू होते.यात्रेच्या आदल्या दिवशी आम्ही सकाळीच रवाना होतो.दुपारपर्यंत पोहचतो.सगळे नातेवाईक पै पाहुणे येतात.सगळ्यांच्या गळाभेटी होतात.एकमेकांची आपुलकीने विचारपूस होते.एकमेकांना आणलेल्या खाऊच वाटप होते.गप्पा टप्पा चालू असतात.संध्याकाळी जेवायला मासवडी चार किंवा पिठल भाकरी चा बेत असतो कारण चाळीस पंचेचाळीस माणसं असतात..मग काय बिगी बिगीने घरधनीन चुलीवर भला मोठा टोप ठेवून फोडणी घालून रटारट पिठलं हाटते.थपाथपा चुलीवर भाकरी केल्या जातात.जेऊन खाऊन झाले की शेकोट्या पेटतात.खुप थंडी असते.गाणी, गोष्टी, मस्करी,हसणं,खिदळण चालू असते.वयस्कर मंडळी चला लवकर झोपा, सकाळी लवकर उठायचे आहे असे सांगत असतात.अशा या यात्रेच्या अगोदरच्या दिवशी बनवले जाणारे हाटून पिठल (बेसन)आज मी बनवले आहे.चला तर रेसिपी बघुया.उद्या यात्रेची मेजवानी असणार आहे.या वर्षी यात्रा भरलीच नाही पण आपल्या यात्रा स्पेशल ने पुर्ण यात्रा आठवणीतून मी फिरणार आहे आणि तुम्हाला ही फिरविणार आहे.
मासवडी रेसिपी पोस्ट केलेली आहे म्हणून आता पिठलं भाकरी रेसिपी..