प्रथम पनीर चे छोटे चौकोनी तुकडे करून घ्यावे. आले लसुण पेस्ट, मीठ आणि काळी मिरी त्याला लावून घेऊन वरून कॉर्नफ्लोअर टाकून पनीर मॅरीनेट करून घ्यावे आणि पॅन मध्ये तेल घेऊन शॅलो फ्राय करावे

आता त्याच पॅन मध्ये थोडेसे तेल ठेवून त्यात आधी थोडीशी कांदा पात,बारीक चिरलेले आले लसुण आणि सिमला मिरची घालून परतवावे. नंतर त्यात तिन्ही सॉस घालून ढवळावे. नंतर त्यात चिमूटभर मिरपुड, चवीप्रमाणे मीठ घालुन वर थोडेसे पाणी घालून ढवळावे, ग्रेव्ही दाट होण्यासाठी 1 चमचा कॉर्नफ्लोअर मध्ये थोडेसे पाणी घालून त्याची स्लरी मिश्रणात घालावी आणि शॅलो फ्राय केलेले पनीर त्यात सोडून मिक्स करून घ्यावे.

एका बाजूला गॅसवर सिझलर प्लेट मधील प्लेट तव्यावर गरम करत ठेवावी आणि दुसरीकडे गॅसवर एका पॅन मध्ये थोडेसे तेल टाकून त्यात चिरलेला कांदा आणि कोबी मऊ होईल एवढेच परतवून घ्यावे(जास्त परतवू नये).

सिझलर प्लेट चांगली गरम झाल्यावर त्याच्या लाकडी साच्यात ठेवावी आणि त्यावर आधी परतलेला कोबी आणि कांदा पसरवावा आणि वर पनीर असलेली ग्रेव्ही घालावी. गरम प्लेट मुळे चांगला धुर येऊन पनीर ला स्मोकी फ्लेवर येतो. आता वर उरलेली कांदा पात घालून डिश सजवावी आणि गरमागरम ही "स्टार्टर" डिश सर्व्ह करावी. (सिझलर प्लेट नसेल तर बिडाचा किंवा लोखंडी तवा वापरू शकता)