रेड सॉस बनवण्यासाठी प्रथम कढई गरम करून त्यामध्ये बारीक चिरलेला लसूण, कांदा, भोपळी मिरची, कोबी घालून चांगले परतून घ्यावे.

आता त्यामध्ये बेबीकॉर्न, टोमॅटो, कणसाचे दाणे घालावेत. टोमॅटो सॉस व थोडे पाणी घालून एक उकळी आणावी.

व्हाईट सॉस बनवण्यासाठी पॅन गरम करून त्यात बारीक चिरलेला लसूण, मैदा छान परतून घ्यावा. यामध्ये एक कप दूध घालून एकसारखे ढवळत रहावे.

त्यानंतर त्यात मिरपूड, चिली फ्लेक्स, ओरेगॅनो घालुन छान परतून घ्या. चीज किसून सर्व एकजीव करावे. व्हाइट सॉस तयार आहे.

प्रथम ब्रेडचे काठ कापून घेऊन लाटून घ्यावे. बेकिंग डिश घेऊन त्याला बटर लावून त्यामध्ये सर्वात खाली भाज्यांचा रेड सॉस पसरावा. त्यावर व्हाइट सॉसचा लेयर पसरविणे.

त्यावर चार ब्रेड सलाइस ठेवाव्यात. पुन्हा त्यावर रेड सॉस आणि व्हाईट सॉसचा लेयर लावावा.

आता पुन्हा ब्रेड सलाइस ठेवूया. पुन्हा त्यावर रेड सॉस आणि व्हाईट सॉसचा लेयर लावावा.
टोपींगसाठी चिली फ्लेक्स, ओरेगॅनो घालावे आणि मॉझरेला चीज एकसारखे पसरावे. 180⁰c ला पंधरा मिनिटे बेक करावे.