प्रथम आपण एक पॅन घेऊन त्यामध्ये तेल गरम करून घ्या.तेल गरम झाल्यावर त्यामध्ये काजू घालून परतून घ्या.बारीक चिरलेला कांदा, टोमॅटो हिरव्या मिरच्या, घालून छान सोनेरी रंग येईपर्यंत परतून घ्या.मग सर्व मसाले, मीठ घालून तेल सुटेपर्यंत परतावे.हे सर्व मिश्रण थंड करून घ्यावे आणि त्याची पेस्ट बनवून घ्या.
दुसऱ्या पातेल्यामध्ये मटार वाफवून घ्या.

बारीक चिरलेली मेथी तेल घालून परतून घ्या.

आता एक पॅन घेऊन त्यामध्ये तेल गरम करून त्यात जिरं आणि एक मसाला वेलची घालावी.मग बनवून घेतलेली पेस्ट घालून एक उकळी आल्यावर वाफवलेले मटार आणि मेथी घालून व्यवस्थित एकजीव करून घ्या.

आता ५ मिनिटे शिजवुन घ्या.मग त्यामध्ये ३/४ कप दूध घालून घ्या.दूध घालून व्यवस्थित मिक्स करून घ्या.मग. वरून 1 टीस्पून गरम मसाला आणि १ टेबलस्पून कसुरी मेथी घालावी.छान मिक्स करून त्यामध्ये ४ टेबलस्पून मलई घालून व्यवस्थित एकजीव करून घ्यावे.
अशा प्रकारे मेथी मलई मटार तयार आहे.