प्रथम आपण एका वाटी मध्ये मैदा,रवा घ्या चिमूटभर मीठ घालून मिक्स करा कडकडीत तूप गरम करावे व त्या पीठात घालावे गरम तूप घातल्याने चिरोटे छान खुसखुशीत होतात आणि पाणी घालून मिश्रण एकजीव करून घ्यावे चपातीसाठी जस पीठ मळतो तस पीठ मळावे आणि 1/2तास झाकून ठेवावे.

आता आपण साठा करून घेऊया त्यासाठी 2 टेबलस्पून तूप आणि 2 टेबलस्पून कॉर्नफ्लॉवर घालून चांगले फेटून घ्यावे.

आता 1/2तास झाल्यावर पीठाचे गोळे करून घ्यावे मी काही गोळ्यामध्ये कलर घालून पोळी लाटली आहे अश्या 3 पोळ्या लाटून घ्या प्रत्येक पोळी वर तयार केलेला साठा हाताने पसरुन लावायचा आहे.

साठा पसरुन त्याचा घट्ट रोल करून घ्या आणि सुरीने कट करून घ्यावे

रोल करून झाल्यावर हलक्या हाताने दाबून लाटून घ्या खूप छान लेअर येतात कलर घातल्याने खूपच छान दिसत आहे.

लाटून झाल्यावर कढईत तेल गरम करत ठेवावे व बारीक गॅसवर छान तळून घ्यावे

तळून झाल्यावर गॅसवर एक भांड ठेवा त्यामधे 1 वाटी साखर व 1/2 वाटी पाणी घालून पाक करून घ्यावे.पाकात चिरोटे दोन्ही बाजूने डिप करून लगेच काढून घ्यावे जास्त वेळ पाकात ठेऊ नये लगेचच काढून घ्या.तूम्हाला जर पाक नसेल आवडत तर तूम्ही पिठी साखर चिरोटयावर हाताने भूरभूरू शकता