कांदा मिरची कोथिंबीर बारीक कापून घ्या.. कढईत तेल गरम करून त्यात मोहरी टाकून तडतडली की जीरे टाका ते छान फुलले की लसूण, हिंग घाला.

कडिपत्ता, मिरची, कोथिंबीर घालून परतून घ्या. कांदा घालून मिडीयम गॅसवर गुलाबी रंगावर परतून घ्या. त्यात लाल तिखट, हळद, हिंग घालून परतून घ्या. दुसरीकडे पाणी गरम करण्यासाठी ठेवा..

आता बेसन पीठ घालून सात आठ मिनिटे खमंग भाजून घ्या.. गरम पाणी, मीठ घालून मिडीयम गॅसवर पाच मिनिटे शिजू द्यावे..हलवत रहा. बेसन खमंग भाजल्यामुळे गुठळ्या होणार नाहीत..

आता थोडी कोथिंबीर घालून झाकण ठेवून पाच मिनिटे मंद गॅसवर वाफ काढून घ्या.. तय्यार आहे आपले झणझणीत कांदा झुणका.. मस्त भाकरी, चपाती सोबत गरमागरम सर्व्ह करा. सोबत कांदा, मिरचीचा ठेचा, लोणचे असले की कोणत्याही भाजीची गरज नाही..