प्रथम एका कढईत एक मोठा चमचा साजूक तूप घालून ते गरम झाल्यावर त्यात एक चमचा जीरे घातले. जीरे तडतडल्यावर त्यात लवंग, तमालपत्र, 1 इंच दालचिनीचा तुकडा, काळेमिरी आणि हिरव्या वेलच्या घालून परतून घेतले.

मग परतून घेतलेल्या मसाल्यात एक मध्यम आकाराचा कांदा बारीक चिरून घातला. आणि पारदर्शक होईपर्यंत परतून घेतला. आणि त्यात दोन हिरव्या मिरच्या आणि एक चमचा आले लसूण पेस्ट घालून चांगले परतून घेतले.

नंतर त्या मसाल्यात मटार घालून चांगले परतून घेतले. त्यावर अर्धा तास भिजवून ठेवलेले बासमती तांदूळ घालून हलक्या हाताने परतून घेतले. मग त्यातबेक चमचा गरम मसाला आणि लाल तिखट मसाला घालून चांगले परतून घेतले.

मग त्यात दिड कप तांदळाला 3 कप पाणी घालून, व चवीनुसार मीठ घालून चांगले ढवळावे.

आणि मंद गॅसवर छान शिजल्यावर वरून कोथिंबीर घालून सर्व्ह करावा गरमागरम मटारदाण्याचा भात. हा भात चवीला खूप सुंदर लागतो.