प्रथम प्रेशर कुकरमध्ये मोड आलेली मटकी स्वच्छ पाण्याने धुऊन घेतली. आणि त्यात पाव चमचा हळद, पाव चमचा मीठ आणि एक कप पाणी घालून मटकी एकदम म्ऊ होईपर्यंत शिजवून घेतली.

आता 2 चमचे तेल गरम करून त्यात 2 इंच आले बारीक चिरून आणि 2 ते 3 लसूण पाकळ्या तळून त्याचा मसाला पेस्ट करून घेतली. त्यातच 1कांदा सोनेरी रंगावर परतून घ्या.

नंतर त्यात पाव कप सुके खोबरे एक मिनिट परतून घेतले. मग त्यात एक टोमॅटो नरम होईपर्यंत सेकवून घेतला.

मग तळून घेतलेला कांदा, सुके खोबरे व टोमॅटो थंड झाल्यावर मिक्सर मध्ये पाव कप पाणी घालून बारीक वाटून घेतले.

मग एका कढईत 3 मोठे चमचे तेल घालून ते गरम झाल्यावर त्यात 1 चमचा मोहरी, 1 चमचा जीरे आणि काही कडीपत्ता पाने घालून ते तडतडल्यावर मग त्यात पाव चमचा हळद, 1 चमचा मिरची पावडर, 1 चमचा धणे पावडर आणि 1 चमचा गरम मसाला घालून चांगले परतून घेतले.

मसाल्या् मधून छान सुगंध येईपर्यंत मंद गॅसवर परतून घेतले.मग त्यात वाटून घेतलेला मसाला घालून चांगले परतून त्यातून तेल सुटेपर्यंत परतून घेतले. मग त्यात शिजवून घेतलेली मटकी, लहान गुळाचा खडा आणि अर्धा चमचा मीठ घालून चांगले परतून घेतले.

आणि झाकण ठेवून दहा मिनिटे चांगले शिजवून घेतले. जो पर्यंत ऊसळ शिजत नाही व त्यावर तेलाचा तवंग आला की समजावे कि आपली ऊसळ चांगली तयार झाले.

सर्व्ह करताना एका प्लेट मध्ये मटकीची उसळ घेवून त्यावर फरसाण घालून, त्यात बारीक चिरून घेतलेला कांदा आणि बारीक चिरलेली कोथिंबीर घातली.आणि त्यात वरून थोडी ग्रेव्ही घालून घेतली. आणि पाव आणि लिंबाची फोड ताटात ठेऊन सर्व्ह करा आपली गरमा गरम ऊसळ पाव.