प्रथम मेथीच्या भाजीमध्ये मीठ मिरची व आल्याचे जाडसर वाटण थोडीशी कोथिंबीर, थोडंसं कापलेला हिरवा लसणाची पात,ओवा,तीळ थोडसं तेल कणिक,बेसन, सोडा,हळद थोडीशी साखर सगळं एकत्र कालवून त्याला अगदी पाणी शिंपडावं व त्याचे गोळे करावे व गरम तेलामध्ये तळून काढावेत आपल्या मुठिया तयार झाल्यात

आता त्याच तेलामध्ये बटाटे कंद व रताळे यांच्या साल काढून केलेल्या मोठ्या फोडी तळून घ्याव्यात व ताटात काढून ठेवाव्यात

ओल्या खोबऱ्यामध्ये दाण्याचा कूट तीळकूट, हळद तिखट मसाला,कापलेलं लसणाची हिरवी पात,मिरची आल्याचं वाटण थोडीशी जाडसर वाटलेला लसूण पातीचा,साखर मीठ, ओवा,लिंबाचा रस व 2मुठीया कुस्करून घालून एकजीव करावं व हे वाटण केळीचे मोठ्या फोडी करून त्याला चीर पाडावी व त्याच्यात भरावे नंतर सेम वांग्यांच्या चिर पाडून त्याच्यात भरावे व जे तळलेलं कंद आणि बटाटे हे त्याला थोडंसं मसाला लावावा हाच उरलेला मसाला तसाच भांड्यात ठेवावा

आता मोठी कढई घेऊन त्यामध्ये तेल घालावे नंतर लसणाच्या पातीचा ठेचलेला लसूण घालावा व हिंग घालावं लसूण लालसर आणि कच्चेपणा गेला की त्यामध्ये पापडी व उरलेला मसाला व भरलेले वांगे घालून छान परतावे व गरम पाणी टाकून छान वाफ येऊ द्यावी ते शिजत आले असं वाटलं की त्याच्यामध्ये मसाला लावून ठेवलेले व तळलेले सगळे कंद बटाटे रताळे घालावे त्याच्यावर भरून ठेवलेले केळी घालावी त्यानंतर मुठिया घालाव्यात व लागेल तसं गरम पाणी घालून झाकून मंद गॅसवर शिजत ठेवावे एक दहा मिनिटात सगळं रेडी होतं गॅस बंद करावा सगळे एकजीव करावं

यावर लसणाच्या पातीने गार्निश करून गरम पुरी बरोबर चपाती बरोबर खायला द्यावे अतिशय टेस्टी व सुंदर असं उंधियु तयार होतं