♦️चार रताळी उकडून सोलून चवीपुरते मीठ घालून छान हाताने कुस्करुन करुन मळून घेतली
(रताळी कधीकधी चिकट असतात अशा वेळी त्यात साबुदाणा अथवा वरी भाजून त्याचे पीठ घालावे म्हणजे मिश्रण मिळून येईल)

♦️ओले खोबरे,काजु, बेदाणे, थोडी साखर,मीठ बारीक आले तुकडे,लिंबू,कोथिंबीर घालून
सारण करुन घेतले

♦️रताळ्याची पारी करुन त्यात सारण भरले
सर्व कचोऱ्या तयार करुन चार तास फ्रिज मध्ये सेट केल्या

♦️खाण्याच्या वेळी गरम तेलात खरपूस तळून घेतल्या
सोबत बारीक चिरलेली कोथिंबीर दाण्याचे कूट साखर मीठ जिरे घालून चटणी केली