பழக்கொழுக்கட்டை

நேந்திரம் பழத்தை இரண்டாக வெட்டி ஆவியில் வேக வைத்து எடுக்கவும்.

வெந்த பழத்தின் தோலை நீக்கி விட்டு, பழத்தை இரண்டாக வெட்டி நடுவில் இருக்கும் கறுப்பு விதைகளை நீக்கிக் கொள்ளவும்.

விதைகள் நீக்கிய பழத்தை தண்ணீர் சேர்க்காமல் மிக்ஸியில் அரைத்தெடுக்கவும்.

ஃபில்லிங் செய்வதற்க்கு : ஒரு பாத்திரத்தில் தேங்காய் துருவல், சீனி, ஏலக்காய் பொடி,உப்பு,முந்திரிப்பருப்பு, கிஸ்மிஸ் எல்லாம் சேர்த்து நன்றாக மிக்ஸ் பண்ணி வைக்கவும்.

அரைத்து வைத்திருக்கிற பழத்தில் அரிசி மாவும் ஒரு டேபிள் ஸ்பூண் சீனியும் சேர்த்து நன்றாக குழைத்து வைக்கவும்.

குழைத்த பழத்திலிருந்து ஒரு உருளை எடுத்து கையில் லேசாக எண்ணையோ அல்லது தண்ணீரோ தொட்டு இடது உள்ளங்கையில் வைத்து பரத்தி அதன் நடுவில் ஒரு ஸ்பூண் ஃபில்லிங் வைத்து எல்லாப் பக்கமும் சேர்த்து ஒட்டி கையில் வைத்து நல்ல உருண்டைகளாக்கி ஸ்டீமரில் வைத்து பத்து நிமிடம் வேக வைத்து எடுக்கவும்.

மணமும் சுவையும் நிறைந்த இனிப்பான பழக்கொழுக்கட்டை ரெடி.