முதலில் மட்டனை நன்கு கழுவி அத்துடன் தயிர் பிரியாணி மசாலா தூள் கறிமசாலா தூள் மிளகாய்த்தூள் உப்பு இஞ்சி பூண்டு பேஸ்ட் புதினா மல்லி பேஸ்ட் ஆகியவற்றை சேர்த்து நன்கு பிசைந்து ஒரு மணி நேரம் ஊற விடவும். வெங்காயம் தக்காளி ஆகியவற்றை பொடியாக நறுக்கி நெய்யில் வதக்கி இந்த கலவையுடன் சேர்த்துக் கொள்ளவும் அரைப் பதம் வேக வைத்து எடுக்கவும்.

பிரியாணி அரிசியை ஒரு முறை மட்டும் கழுவி ஒரு மணி நேரம் ஊறவைக்கவும்... மட்டன் கலவையை அரைமணி நேரம் அப்படியே வைத்து விடவும் பிறகு அது ஆறியதும் அரிசியுடன் சேர்த்து கலந்து இரண்டு மூங்கில்குடுவைகளில் அடைத்து குடுவையின் ஓபன் பகுதியை வாழை இலையை வைத்து மூடி நன்கு கட்டி விடவும்.. இல்லையென்றால் மைதா மாவை பிசைந்து குடுவையை மூடவும். ஒரு மணலில் இந்த குடுவையை நன்கு மூடி கட்டி ஒரு பெரிய தவாவில் மணலைக் கொட்டி நன்கு சூடாக்கி அதன் மீது மூங்கில் குடுவையை வைக்கவும்.

மணல் நன்கு சூடான பின் மிதமான தீயில் அடுப்பில் வைத்து மணல் தவாவை மூடி வைக்கவும்.ஐந்து நிமிடத்திற்கு ஒருமுறை மூங்கில் குடுவையை பிரட்டி பிரட்டி வைத்து அரை மணி நேரம் கழித்து அடுப்பை அணைத்து விடவும். மணல் மற்றும் மூங்கில் குடுவை ஆறும் வரை காத்திருக்கவும்.இப்பொழுது மூங்கில் குடுவைக்குள் உள்ள பிரியாணி நன்கு வெந்து இருக்கும். அவற்றை எடுத்து பரிமாற மூங்கில் மணத்துடன் மிகப் பிரமாதமான மூங்கில் பிரியாணி ரெடியாக இருக்கும்.