முதலில் காலிபிளவரை சுடுநீரில் போட்டு சுத்தம் செய்து அரை ஸ்பூன் மிளகாய்த்தூள் அரை ஸ்பூன் கார்ன்ஃப்ளார் கால் ஸ்பூன்உப்பு போட்டு பிரட்டி வைக்கவும். ஒரு வாணலியில் சூடேறியதும் நிலக்கடலை காய்ந்த மிளகாய் சேர்த்து வறுக்கவும் அது பாதி அளவு வறுபட்டதும் எள்ளை சேர்த்து வெடித்ததும் இறக்கி ஆறவைத்து பொடி செய்யவும்.

இப்பொழுது பிரட்டி வைத்த காலிஃப்ளவரை எண்ணெயில் போட்டு பொரித்து எடுக்கவும். பிறகு வேறொரு வாணலியில் நெய்விட்டு கடுகு உளுத்தம் பருப்பு முந்திரி கருவேப்பிலை குடைமிளகாய் தாளித்து சீரகத்தூள் சேர்த்து கலந்து அத்துடன் பொடித்து வைத்த பொடியையும் சேர்த்து கிளறி ஒரு கை தண்ணீர் தெளித்து இரண்டு நிமிடம் கொதிக்கவிடவும். இப்பொழுது தேவையான அளவு உப்பு சேர்க்கவும்.

இப்பொழுது தாளிப்பு கலவையுடன் காலிஃப்ளவரை சேர்த்து சாதத்தையும் சேர்த்து நன்கு கிளறி விடவும். தேவைப்பட்டால் ஒரு ஸ்பூன் லெமன் ஜூஸ் சேர்த்து கிளறவும். இப்பொழுது சுவையான கோபி.ரைஸ் தயாராக உள்ளது. லஞ்ச் பாக்ஸ் எடுத்து செல்ல மிகவும் அருமையான ரெசிபி ஆகும். இத்துடன் தயிர் பச்சடி சிப்ஸ் தொட்டு சாப்பிட மிகவும் சுவையாக இருக்கும்.