கோதுமை மாவை ஒரு கடாயில் அடுப்பை மிதமான தீயில் வைத்து வறுக்கவும். அடி பிடிக்காமல் கிளறி விட்டுக்கொண்டு இருக்கவும். மாவு வாசம் வரும்படி வறுத்தால் தான் கூழ் சுவையாக இருக்கும்

வறுத்த மாவை நன்கு ஆற‌விடவும். வெல்லத்தை 1/2 கப் தண்ணீர் ஊற்றி கரைத்து வடிகட்டி வைக்கவும்.

பால், தண்ணீர் இரண்டையும் கலந்து ஒரு டம்ளரில் எடுத்துக் கொள்ளவும். ஆறவிட்ட மாவில் அதனை சிறிது சிறிதாக ஊற்றி நன்கு சீராக கலக்கவும்.

மற்றொரு கடாய் அடுப்பில் வைத்து அதில் கரைத்த மாவை ஊற்றி அடுப்பை மிதமான தீயில் வைக்கவும்.

கொதி வந்து மாவு வெந்ததும் அதில் வடிகட்டிய வெல்லத்தை ஊற்றி கிளறவும்

நன்கு சீராக கிளறி மீண்டும் கொதிக்க விடவும். ரொம்ப கெட்டியாக இருந்தால் இன்னும் 1/2 கப் தண்ணீர் சேர்த்து கொதிக்க விடலாம்.

இப்போது ஏலக்காயை பொடித்து சேர்க்கவும்

பிறகு அடுப்பை அணைக்கவும். மிதமான சூட்டில் பரிமாறவும். கோதுமை கூழ் மிகவும் சத்தான உணவு. குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள்.