கோதுமை மாவை ஒரு அகலமான பாத்திரத்தில் எடுத்து கொள்ளவும்

நாட்டு சர்க்கரையை ஒரு கப் தண்ணீர் ஊற்றி 10 நிமிடம் கரைய வைக்கவும். கரைந்ததும் வடிகட்டி வைத்துக் கொள்ளவும்

கோதுமை மாவில் தேங்காய் துருவலை சேர்த்து நன்கு கலக்கவும்

அதனுடன் ஏலக்காயை பொடித்து ஏலக்காய்த்தூளாக சேர்க்கவும்

அதனுடன் கரைத்து வடிகட்டிய தண்ணீரை சேர்த்து நன்கு சீராக கரைக்கவும்.

அதில் மிகவும் சிறிது ஒரு சிட்டிகை அளவு தூள் உப்பு சேர்த்து நன்கு கலக்கவும். எந்த இனிப்பு செய்தாலும் சிறிது உப்பு சேர்த்தால் சுவை நன்றாக இருக்கும். மாவை கெட்டியாக இல்லாமலும், தண்ணியாக இல்லாமலும் கரைத்துக் கொள்ளவும்.

தோசை கல்லை அடுப்பில் வைத்து காய்ந்ததும் கரைத்து வைத்துள்ள மாவை அடையாக ஊற்றவும்.

சுற்றிலும் ஒரு டேபிள்ஸ்பூன் நெய் ஊற்றி அடுப்பை மிதமான தீயில் வைத்து மூடி வைக்கவும். மூடவில்லை என்றால் தோசை கல்லில் ஒட்டி கொள்ளும்.

3 நிமிடம் கழித்து திறந்து திருப்பி போட்டு இன்னும் ஒரு டேபிள்ஸ்பூன் நெய் சுற்றிலும் விட்டு மீண்டும் மூடி வேகவிடவும்.

நன்கு வெந்ததும் சூடாக பரிமாறவும். குழந்தைகளுக்கு மாலைநேர சிற்றுண்டியாக கொடுக்கலாம். சத்துள்ளது. மிகவும் ருசியாக இருக்கும். தீடீர் விருந்தினர்கள் வந்தால் செய்து கொடுக்கலாம்.