கடாயில் பச்சை பயரை லேசாக சூடு வரும் வரை வறுத்துக் கொள்ளவும். தேவையான அளவு தண்ணீர் விட்டு வேக விட்டுக் கொள்ளவும். முக்கால் பதம் வெந்தால் போதும். தண்ணீரை வடித்து விடவும். பிறகு மிக்ஸியில் லேசாக ஓட்டிகொள்ளவும்.

பொடித்த் வெல்லத்தை ஒரு ஸ்பூன் தண்ணீர் சேர்த்து பாகாக்கி கொள்ளவும். இந்தப் பாகை பாசி பயரில் சேர்த்து மீண்டும் ஒரு முறை மிக்ஸியில் அரைத்துக் கொள்ளவும். இனிப்பு போத வில்லை என்றால் சிறிது வெல்லம் சேர்த்துக் கொள்ளலாம். நன்கு இதை பிசைந்து சிறு சிறு உருண்டைகளாக உருட்டவும்.

இட்லி தட்டில் நெய் தடவி இட்லி மாவை கொஞ்சமாக ஊற்றவும் பிறகு இனிப்பை கையில் வடை போல தட்டி இட்லி மாவின் மேல் வைக்கவும். அதன் மேல்மீண்டும் இட்லி மாவை ஊற்றவும்.பின் மூடி வைத்து 10 நிமிடம் வேக விடவும். வெந்த பிறகு இட்லியை ஆற விட்டு ஸ்பூனில் எடுக்கவும். தட்டில் வைத்து பரிமாறவும்.