கேரட் ஐஸ்கிரீம் 🥕🍨

கேரட்டை நன்றாகக் கழுவி சிறிய துண்டுகளாக நறுக்கி சிறிது தண்ணீர் விட்டு குக்கரில் 2 விசில் வைத்து எடுத்துக் கொள்ளவும். பின் அதனை ஆற விட்டு மிக்ஸியில் மைய அரைத்துக் கொள்ளவும். ஒரு கப்பில் கார்ன்ப்ளோர் மாவை சிறிது தண்ணீர் விட்டு கரைத்துக் கொள்ளவும்.

பாத்திரத்தில் பாலை நன்றாக சுண்ட காய்ச்சிக் கொள்ளவும். பின் அதில் அரைத்த கேரட் விழுது, கான்பிளவர் மாவு, வெண்ணிலா எசன்ஸ்,சர்க்கரை சேர்த்து நன்றாக கலந்து சிறிது கெட்டியான பதம் வரும் வரை காய்ச்சவும். அதன் பின் அடுப்பை அணைத்து விட்டு நன்றாக ஆறவிடவும்.

அதன்பின் ஏர் டைட் டப்பாவில் சேர்த்து அதன் மேல் சில்வர் பாயில் ஷீட் சேர்த்து ஃப்ரீஸரில் இரண்டு மணி நேரம் வைக்கவும். இரண்டு மணி நேரம் கழித்து மீண்டும் எடுத்து மிக்ஸியில் சேர்த்து நன்றாக அரைத்து மீண்டும் ஃப்ரீசரில் வைக்கவும். தேவைப்பட்டால் நறுக்கிய நட்ஸ் சேர்த்துக் கொள்ளலாம்.

சுவையான கேரட் ஐஸ்கிரீம் தயார்.பரிமாறும் பொழுது கரண்டியை தண்ணீரில் நனைத்து எடுக்கவும் ஐஸ்கிரீம் ஒட்டாமல் வரும். நறுக்கிய நட்ஸ் தூவி பரிமாறவும்.