முட்டை கொத்து பரோட்டா

பரோட்டாவை சின்ன சின்னதாக நறுக்கி வைத்து கொள்ளவும். வெங்காயம், பச்சை மிளகாய், தக்காளி, இவற்றை பொடியாக நறுக்கி வைத்து கொள்ளவும்.

அடுப்பில் வாணலியை வைத்து எண்ணெய் விட்டு காய்ந்ததும் நறுக்கிய வெங்காயம், பச்சை மிளகாய்,கறிவேப்பிலை,சேர்த்து நன்றாக வதக்கவும்.

பின் நறுக்கிய தக்காளி சேர்த்து வதக்கவும். உப்பு தேவைக்கேற்ப சேர்த்து கொள்ளவும். மஞ்சள் தூள்,மிளகாய் தூள்,சிறிதளவு சேர்த்து கிளறி விடவும்.

நன்றாக வதங்கியதும் அடித்து வைத்துள்ள முட்டையை இவற்றில் சேர்க்கவும். தேவைக்கேற்ப மிளகு தூள் சேர்த்து கிளறவும். பின் நறுக்கிய பரோட்டாவை சேர்த்து கிளறவும்.

கடைசியாக பரோட்டா குழம்பு சேர்த்து நன்றாக கிளறி விட்டு கொத்தமல்லிதழை சேர்த்து இறக்கவும். சுவையான முட்டை கொத்து பரோட்டா ரெடி.