சன்னா வை 6 மணி நேரம் ஊறவிட்டு கழுவி குக்கரில் தண்ணீர் 3கப் சேர்த்து வேக விடவும்.அரைக்கீரை 1 கட்டு வாங்கி கழுவி பொடியாக நறுக்கி வைக்கவும்.

வெந்த சன்னா வை தண்ணீர் வடித்து வைக்கவும்.ஒரு தட்டில் மிளகாய் தூள் 1 டீஸ்பூன் மஞ்சள் தூள் 1/4 டீஸ்பூன் தனியா தூள் 1 டீஸ்பூன்,சீரகம் 1/2 டீஸ்பூன்,பட்டை 1 துண்டு எடுத்து வைக்கவும்.சின்ன வெங்காயம் 5 தோல் நீக்கி கழுவி பொடியாக நறுக்கி வைக்கவும்.பூண்டு 8 பல் தோல் நீக்கி கழுவி வைக்கவும். தக்காளி 3 கழுவி பெரிய துண்டுகளாக நறுக்கி வைக்கவும்.

குக்கரில் ஆயில் 1 டேபிள் ஸ்பூன் விட்டு தாளிக்க சீரகம் பட்டை,பூண்டு நறுக்கிய வெங்காயம், தக்காளி சேர்த்து வதக்கி உப்பு போட்டு தட்டில் எடுத்து வைத்த மிளகாய் தூள் மஞ்சள் தூள், தனியா தூள் சேர்த்து கலக்கி வதக்கி விடவும்.

நறுக்கிய கீரையை சேர்த்து பிரட்டி வெந்த சன்னா வை சேர்க்கவும்.தண்ணீர் சிறிது சேர்த்து 1 விசில் குக்கரில் விடவும்.

சுவையான கீரை சன்னா மசாலா ரெடி.சப்பாத்தி,நாண் சுடு சாதத்திற்கு ஏற்றது.😋😋