மட்டனை சுத்தம் செய்து எடுத்துக் கொள்ள வேண்டும் இப்போது அதில் 1 ஸ்பூன் வத்தல் தூள் ½ டீஸ்பூன் மஞ்சள்தூள் 1 டேபிள்ஸ்பூன் மல்லித்தூள் சிறிதளவு மல்லித்தழை ஆகியவற்றை சேர்த்து நன்றாக கலந்து விடவேண்டும்.இப்பொழுது மட்டனை 7 விசில் வரும் வரை வேகவைத்து எடுத்துக்கொள்ள வேண்டும்.

இப்பொழுது ஒரு மிக்ஸி ஜாரில் பட்டை ஏலக்காய் கிராம்பு பிரியாணி இலை சிறிதளவு நல்ல மிளகு ஒரு டேபிள்ஸ்பூன் வத்தல் தூள் மல்லித்தூள் தக்காளி பச்சை மிளகாய் மஞ்சள் தூள் சிறிதளவு உப்பு,பூண்டு சிறிய துண்டு இஞ்சி பெரிய வெங்காயம் ஆகியவற்றை சேர்த்து நன்றாக அரைக்க வேண்டும்.

ஒரு கடாயில் 2 டேபிள் ஸ்பூன் எண்ணெய் 2 டேபிள் ஸ்பூன் நெய் சேர்க்க வேண்டும் அதில் ஒரு டேபிள்ஸ்பூன் சோம்பு சீரகம் பிரியாணி இலை ஆகியவற்றை சேர்த்துக் கொள்ள வேண்டும். அதனோடு நறுக்கி வைத்திருக்கும் பெரிய வெங்காயத்தை சேர்த்து நன்றாக வதக்க வேண்டும். பின்பு அரைத்து வைத்திருக்கும் மசாலாவை அதனோடு சேர்ந்து கொள்ள வேண்டும்.

இப்பொழுது அதனோட 2 டேபிள்ஸ்பூன் மட்டன் மசாலா சேர்த்துக் கொள்ள வேண்டும். இப்பொழுது வேக வைத்த மட்டனை அதோடு சேர்த்து நன்றாக கலந்து விடவேண்டும்.

இப்பொழுது அதனுடன் அரை கப் தயிர் சேர்த்துக் கொள்ள வேண்டும். பின்பு ஒரு மணி நேரம் ஊற வைத்த பாஸ்மதி அரிசியை அதனோடு சேர்த்து நன்றாக கலந்து விடவேண்டும் தேவையான அளவு தண்ணீர் மற்றும் உப்பு சேர்த்து கொள்ளவும். மூடி வைத்து 20 நிமிடம் மிதமான சூட்டில் வேக விடவும்.

20 நிமிடம் கழித்து அதில் 2 டேபிள்ஸ்பூன் நெய் சேர்த்து கிளறி விடவும் சிறிதளவு மல்லித்தழை சேர்த்துக் கொள்ளவும். சுவையான பாஸ்மதி அரிசி மட்டன் பிரியாணி ரெடி. நன்றி