முதலில் ஒன்றரை கப் சர்க்கரை,ஒன்றரை கப் தண்ணீரில் கலந்து அடுப்பில் வைக்கவும்.சர்க்கரைக் தண்ணீரில் கரைந்து கொதிக்க ஆரம்பித்தவுடன் 5 நிமிடம் வரை கொதிக்க விடவும். அடுப்பை நிறுத்தி விடவும். பிறகு அதில் நான்கு ஏலக்காயை பொடி செய்து அதனுடன் ஒரு சிட்டிகை கேசரிப்பவுடர் ஒரு சிட்டிகை குங்குமப் பூவை சேர்க்கவும். சேர்க்கவும். அரை எலுமிச்சைப் பழச்சாறு சேர்த்துக் கொள்ளவும். இப்போது சர்க்கரை பாகு தயார்.

இப்போது ஒரு பௌலில் ஒரு கப் பால் பவுடர் எடுத்துக் கொள்ளவும். அதில் கால் கப் மைதா சேர்க்கவும். ஒரு ஸ்பூன் ரவை சேர்க்கவும். அதனுடன் ஒரு சிட்டிகை சோடா உப்பு, ஒரு ஸ்பூன் நெய் சேர்த்து நன்கு பிசறிக் கொள்ளவும். பிறகு ஒரு ஸ்பூன் தயிர் சேர்க்கவும்.மீண்டும் ஒருமுறை கலந்து அதில் தேவையான அளவு பால் சேர்த்து ஜாமுன் மாவு பதத்திற்கு பிசைந்து கொள்ளவும். அழுத்தி பிசைய வேண்டாம்.

இப்போது பிசைந்த மாவை சிறு சிறு உருண்டைகளாக வெடிப்புகள் இல்லாமல் உருட்டிக் கொள்ளவும். இப்போது ஒரு அடி கனமானவாணலியில் ஜாமுன் பொரித்தெடுக்க தேவையான எண்ணெய் சேர்த்து சூடு படுத்தவும். பிறகு உருட்டிய உருண்டைகளை கொஞ்சம் கொஞ்சமாக சேர்த்து மிதமான தீயில் நன்கு பொரித்து எடுக்கவும். கொஞ்சம் கருப்பான நிறத்தில் பொரித்தெடுக்கவும்.

பொரித்தெடுத்த ஜாமுன்களை சர்க்கரை பாகுவில் சேர்க்கவும். 2மணி நேரம் ஊற விடவும்.ஆறிய பாகாக இருந்தால் பொரிதெடுக்க பொரிதேடுக்கவே உடனுக்குடன் பாகில் சேர்க்கலாம்.நன்கு ஊறி கொள்ளும். ரெண்டு மணி நேரம் கழித்து ஊறிய ஜாமுனை சர்க்கரையில் உருட்டி எடுத்து பரிமாறவும். சுவையான ட்ரை காலா ஜாமூன் ரெடி.