கறுப்பு நெல்லிக்காய் மண் பானைல தான் பண்ணணும். முதல்ல ஒரு மீடியம் சைஸ் மண் பானை எடுக்கவும். அதில நெல்லிக்காய், மிளகு (பச்சையா கிடைக்கலன்னா காய்ந்த மிளகு எடுக்கலாம்), இஞ்சி (தட்டி), பூண்டு, பச்சை மிளகாய், கறிவேப்பிலை, காந்தாரி(புகைப்படம் பாருங்க), 1/4 டீஸ்பூன் மஞ்சள் தூள், உப்பு போட்டு ஒரு கப் தண்ணீர் ஊற்றி வைக்கவும். இப்போது பானையை படத்தில் இருக்குற மாதிரி வாழை இலை போட்டு மூடி இறுக்கி கட்டவும்.(எல்லாம் முழுமையாக போடலாம் கட் பண்ண வேண்டாம்)

பானையை அடுப்பில் வைத்து கொதித்ததும் இறக்கவும். இலை திறக்க கூடாது. இப்படி 15 நாள் பண்ணணும்.(அடுப்பில் வைத்து கொதித்ததும் இறக்கவும். கொஞ்சம் கொதித்தால் போதும்) அடுத்த 15 நாள் எடுக்காமல் அப்படியே வைக்கவும். மொத்தத்தில் 30 நாள். தண்ணி எல்லாம் வத்தி ட்ரை ஆயிருக்கும். 30 நாள் கழித்து ஓப்பன் பண்ணலாம். இத ஒரு பாக்ஸ்ல மூடி வைத்து, தேவைப்படும் போது தாளிச்சு சாப்பிடலாம்.

தாளிக்க, ஒரு கடாயில் எண்ணெய் ஊற்றி கடுகு, கறிவேப்பிலை, வெந்தயம், 5 பல் பூண்டு சேர்த்து வதக்கவும். அதில் 1/4 டீஸ்பூன் மஞ்சள் தூள், 1 டீஸ்பூன் மிளகாய் தூள், 1/2 டீஸ்பூன் மிளகு தூள், தேவையான உப்பு சேர்த்து நன்கு வதக்கவும். அதில 10 கறுப்பு நெல்லிக்காய் போட்டு வதங்கி வந்ததும் இறக்கவும். சோறுக்கு ஒரு கூட்டு தயார். இது ரொம்ப சுவையா இருக்கும். எல்லாரும் செஞ்சு பாருங்க.