காலிஃப்ளவரை சுத்தம் செய்து சுடு தண்ணீரில் போட்டு எடுத்து வடித்து வைக்கவும். 1 கிண்ணத்தில் 4 டேபிள்ஸ்பூன் சோள மாவு, 4 டேபிள்ஸ்பூன் மைதா மாவு, 2 டீஸ்பூன் மிளகுத்தூள், உப்பு சேர்த்து வைக்கவும்.

கொத்தமல்லி தழையை கழுவி வைக்கவும். சோள மாவு மிளகுத்தூள் மைதா மாவில் தண்ணீர் சேர்த்து கரைத்து வைத்து வடித்து வைத்த காலிஃப்ளவரை அதில் முக்கி எண்ணெயில் பொரித்து எடுக்கவும்.

பொரித்து எடுத்த காளிஃபிளவரை 1 கிண்ணத்தில் வைத்து விடவும். குடமிளகாய் 1 கழுவி நீளவாக்கில் நறுக்கி வைக்கவும்.பச்சை மிளகாய்-2 நறுக்கி வைக்கவும்.

பூண்டு 4 டேபிள் ஸ்பூன் பொடியாக நறுக்கி வைத்து, கடாயில் 2 டேபிள் ஸ்பூன் ஆயில் விட்டு பூண்டை வதக்கி அதனுடன் நறுக்கிய பெரிய வெங்காயம் 1,குடமிளகாய் 1,பச்சை மிளகாய் 2,ஆகியவற்றை நன்கு வதக்கவும்.

வெங்காயம் வதங்கியவுடன் அதில் 2 டேபிள்ஸ்பூன் சோயா சாஸ், 2 டீஸ்பூன் மிளகாய்த்தூள், 2 டேபிள் ஸ்பூன் தக்காளி சாஸ்,உப்பு, 2 டீஸ்பூன் சர்க்கரை சேர்த்து வேக விடவும்.

2டேபிள்ஸ்பூன் அளவு சோளமாவை தண்ணீரில் கரைத்து சேர்த்து வேக விடவும்.கெட்டியானவுடன் அதில் பொரித்து வைத்த காலிஃப்ளவரை சேர்க்கவும்.

நன்கு பிரட்டி விடவும். அடுப்பை சிம்மில் வைத்து நறுக்கிய பெரிய வெங்காயம் 1 சேர்த்து, நறுக்கி வைத்த கொத்தமல்லி தழையும் சேர்த்து நன்கு பிரட்டவும். குறிப்பு :வெங்காயத்தாள் இல்லாத காரணத்தினால் நான் நறுக்கிய வெங்காயம் கொத்தமல்லி தழை சேர்த்து உள்ளேன்.

சுவையான சூடான காலிஃப்ளவர் மஞ்சூரியன் ரெடி.😋😋