🏨 மினி இட்லி

ஒரு கப் இட்லி மாவு எடுத்து கொள்ளவும். ஒரு பெரிய வெங்காயத்தை மிக பொடியாக அரிந்து கொள்ளவும். கருவேப்பிலை கொத்தமல்லி சிறிதளவு பொடியாக அரிந்து கொள்ளவும். நெய் கால் கப் எடுத்துக் கொள்ளவும்

மினி இட்லி தட்டு எடுத்துக்கொண்டு, அதில் ஒரு ஒரு சொட்டு எண்ணெயை தடவிக் கொள்ளவும். இட்லி மாவு ஒரு கப் எடுத்துக் கொண்டு சிறிய ஸ்பூன் ஒன்றை அதில் வைத்துக் கொள்ளவும்.இட்லி பானை தண்ணீர் ஊற்றி அடுப்பில் வைத்து தண்ணீரை கொதிக்க விடவும்.

எண்ணெய் தடவிய இட்லி தட்டில், ஸ்பூன் கொண்டு நிதானமாக இட்லி குளியில் மாவை ஊற்றவும். இட்லி பானையில் தண்ணீர் கொதித்த பிறகு இட்லி தட்டை அதில் வைத்து மூடி போட்டு 5 நிமிடம் வரை வேக விடவும். வெந்தவுடன் தட்டை வெளியே எடுத்து வைத்து சிறிது நேரம் ஆறவிடவும். வேறு ஒரு ஸ்பூன் கொண்டு நிதானமாக இட்லியை எடுக்கவும்.

தேவையான அளவு இட்லியை ஒரு கப்பில் வைத்து அதன் மேல் ஏற்கனவே தயார் செய்து வைத்த ஹோட்டல் டைப் சாம்பாரை பரவலாக ஊற்றவும். அறிந்து வைத்த வெங்காயம் மற்றும் கொத்தமல்லித் தழையை தூவி கொள்ளவும். இது மினி சாம்பார் இட்லிக்கு ஹோட்டல் சுவை தரும். தேவையான அளவு நெய் சேர்த்துக் கொள்ளவும். சுவையான ஹோட்டல் டைப் மினி சாம்பார் இட்லி தயார். பெரியவர் முதல் குழந்தைகள் வரை வீட்டிலேயே விரும்பி சாப்பிடுவார்கள்.

நீங்களும் வீட்டிலேயே இதை செய்து அனைவரையும் அசத்துங்கள். மினி இட்லி தட்டு இல்லாதவர்கள் சாதாரண இட்லி கூட ஹோட்டல் சாம்பார் செய்து வெங்காயம் கொத்தமல்லித்தழை தூவி சாப்பிட்டாலும் சுவையாக இருக்கும்.