ஒரு ஸ்பூன் வரக்கொத்தமல்லி, ஒரு ஸ்பூன் கடலைப்பருப்பு, அரை ஸ்பூன் சீரகம், அரை ஸ்பூன் மிளகு, கால் ஸ்பூன் வெந்தயம், 5 கஷ்மிரி மிளகாய் 2 ஸ்பூன் தேங்காய் துருவல் ஒரு இனுக்கு கருவேப்பிலை வறுக்க எடுத்து வைத்துக் கொள்ளவும். இவை அனைத்தையும் வெறும் வாணலில் சிவக்க வறுத்துக்கொள்ளவும். மிக்ஸியில் தண்ணீர் சேர்க்காமல் பொடியாக அரைத்துக் கொள்ளவும். தனியாக எடுத்து வைத்துக் கொள்ளவும்.

இப்போது அரை கப் துவரம்பருப்பை கழுவி ஒன்றரை டம்ளர் தண்ணீர் சேர்த்து குக்கரில் வைக்கவும். இதனுடன் கால் ஸ்பூன் விளக்கெண்ணெய் அரை ஸ்பூன் மஞ்சள் தூள் சேர்த்து 4 சவுண்ட் விட்டு வேகவிடவும். எடுத்து வைத்துக் கொள்ளவும். முருங்கைக்காய் கேரட் கத்தரிக்காய் உருளைக்கிழங்கு படத்தில் காட்டியுள்ளபடி அறிந்து கொள்ளவும். பதினைந்து சிறிய வெங்காயத்தை தோல் உரித்து வைத்துக் கொள்ளவும். 1தக்காளியை பொடியாக அரிந்து கொள்ளவும். ஒரு எலுமிச்சைப்பழ அளவு புளியை தண்ணீரில் ஊற வைத்துக் கொள்ளவும்.

ஒரு வாணலியில் ஒரு ஸ்பூன் எண்ணெய் விட்டு வெங்காயம் தக்காளியை வதக்கி கொள்ளவும். வதங்கியவுடன் காய்கறிகளை ஒரு ஸ்பூன் சாம்பார் தூள் தேவையான அளவு உப்பு சேர்த்து 1 கிளாஸ் தண்ணீர் ஊற்றி குக்கரில் 2 சவுண்ட் விட்டு வேக வைத்துக் கொள்ளவும்.

காய்கள் வெந்தவுடன் இப்போது வேக வைத்த பருப்பை சேர்த்து கொள்ளவும். எல்லாவற்றையும் ஒரு கொதி வரும்வரை கொதிக்கவிடவும். கரைத்து வைத்த புளித்தண்ணீரை குழம்பில் சேர்க்கவும் மீண்டும் ஒரு கொதி விடவும். பிறகு மிக்ஸியில்அரைத்து வைத்த சாம்பார் பொடியை சேர்த்து கொதிக்க விடவும்.

இப்போது தாளிக்கும் கரண்டியில் ஒரு ஸ்பூன் நெய் சேர்த்து சூடான பிறகு, ஒரு ஸ்பூன் கடுகு 2 வரமிளகாய் கால் ஸ்பூன் பெருங்காயத்தூள் கறிவேப்பிலை தாளித்து குழம்பில் சேர்க்கவும். சுடச்சுட சாப்பாட்டுடன் சேர்த்து சாப்பிட்டால் சுவையாக இருக்கும்.